Protestovan li ber balyozxana Swêdê li Kuala Lumpur

Vilks û Swêd hatin protestokirin

Jinûve hatina rojevê ya karîkaturên Lars Vilks yên di derbarê Hz. Muhammed de li Malezyayê bû sedema protestoyan. Îro piştî nimêja înê 200 endamên rêxistinên musluman û îslamî li pêş balyozxaneya Swêdê ya li Malezyayê civîyan û nameyeke protestoyî dan balyoza swêdî, Helena Sångeland.

Protestovan dixwazin hikûmeta Swedê li dijî Lars Vilks û rojnameyên swêdî ku karîkaturên wî weşandine helwest bigire, dibêje Sångeland ji ajansa nûçeyan TT re. Piştî xwepêşandanek li pêş balyozxaneyê alayeke swêdî jî hat şewitandin. Balyozxaneya swêdî bûyer giliyê polês kiriye.

Hîmê rojnamegeriya me duristî û bêterefî ye. Radyoya Swêdê ji aliyê berjewendiyên siyasî, dînî, aborî, resmî û şexsî ve serbixwe ye.
Du hittar dina sparade avsnitt i menyn under "Min lista".