به‌ره‌ی سه‌وزوسوور پێشنیازی کردووه‌ باجی به‌نزین زیاد بکرێت

به‌ره‌ی به‌رهه‌ڵستکاری حوکمه‌ت ـ به‌ره‌ی سه‌وزوسوور ـ ده‌یه‌وێت یانزه‌ میلیارد کرۆن باجی ژینگه‌ بەرزکاتەوە و لەوانە باجی به‌نزین ٤٩ ئوێرێ بۆ هه‌ر لیترێک زیاد بکرێت. ئه‌م باجه‌ به‌ دوو قۆناخ زیاد ده‌کرێت جاری یەکەم ٢٩ ئوێرێ و دواتریش ٢٠. ئه‌مه‌یش ئه‌و دوو هه‌نگاوه‌ن که‌ ئه‌م به‌ره‌یه‌ به‌ ته‌مایه‌ پاش هاتنە سەر دەسەڵات بیاننێت. گوته‌بێژی پارتیی ژینگه‌ ـ مارییه‌ ڤێتترستراند به‌ دووری نازانێت کە ئه‌م پێشنیازه‌ خاوه‌نئۆتۆمبیله‌کان ناچار بکات له‌ بری به‌نزین، جۆرێکی تری وزه‌ی سروشتپارێزانه‌ی لێ به‌ کار بێنن.

که‌سێک نێشته‌جێی ده‌ره‌وه‌ی شاره‌کان بیت و بۆ هاتوچوونە سەر کار، ناچار بێت ئۆتۆمبیل به‌ کار بێنێ، بۆ ئه‌مان نرخی به‌نزین داده‌شکێنرێت. به‌ڵام ئه‌مان به‌م باجه‌ دانه‌سه‌نکناون به‌ڵکه‌ ده‌یانه‌وێت باجی وزه‌ی ئه‌تۆم و کاره‌بایش زیاد بکه‌ن. به‌ڵام باجه‌که‌ ناکه‌وێته‌ سه‌ر خه‌ڵک به‌ڵکه‌ له‌و فره‌ قازانجه‌ی ده‌گرنه‌وە که‌ کۆمپانیای وزه‌به‌رهه‌مهێن ده‌ستیان ده‌که‌ون و ئه‌مه‌یش هه‌ر مارییه‌ ڤێتته‌رستراند ده‌یڵێت:

سه‌رله‌به‌ری پێشنیازی تایبه‌ت به‌ باج، که‌ پارتیی سۆسیالدێمۆکراته‌کان و چه‌پ و ژینگه‌ی له‌سه‌ر ڕێک که‌وتوون دووشه‌ممه‌ی داهاتوو ده‌خرێنه‌ ڕوو. ئه‌مان نایانه‌وێت باج بخه‌نه‌ سه‌ر سامان، که‌ جاران به‌ باجی سامان ناو ده‌برا و له‌م قۆناخه‌ی حوکمڕانیدا لا برا، به‌ڵکه‌ ده‌یانه‌وێت باج له‌سه‌ر که‌سی ساماندار دانێن. که‌ جیاوازییه‌کی زۆری له‌گه‌ڵ باجه‌که‌ی جاران ده‌بێت و لێیدا هه‌وڵ ده‌دریت زیان به‌ خاوه‌ن کۆمپانیای بچووک نه‌گه‌یه‌نرێ و کاریگه‌ریی لابەلاشی نه‌بێت که‌ باجه‌که‌ کێ حه‌زی هات بیدات، کێ نه‌یهات، خۆی لێ ببوێرێ.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade ljud i menyn under Min lista