به‌نزیخانه‌کان خۆ له‌ زبڵی خه‌ته‌رناک نه‌بان ده‌که‌ن

گه‌لێک به‌نزینخانه‌ی سوێد یاسا پێشێل ده‌که‌ن و به‌ شێوه‌ی شیاو زبڵی خه‌ته‌رناکی خۆیان فڕی ناده‌ن. ماکی خه‌ته‌رناکی دژ به‌ ژینگه‌ و مادده‌ی کیمیایی، که‌ مه‌ترسیی له‌ ڕووی مرۆ و ژینگه‌ ده‌نێنه‌وه‌، تێکه‌ڵی زبڵی ئاسایی ده‌که‌ن.  ئه‌مه‌ بۆ ڕادیۆی هه‌واڵه‌کانی سوێد ـ ئیکۆت ـ دیار که‌وتووه‌ که‌ سه‌د به‌نزینخانه‌ی مالمۆ و یۆتبۆری و ستۆکهۆڵمی پشکنیوه‌. دیاره‌ له‌سه‌ر په‌ڕه‌ی زانیارییه‌کانی سه‌ر قوتووی تایبه‌ت به‌م مادده‌ خه‌ته‌رناکانه‌ نووسراوه‌ "پاشماوه‌ی ئه‌م مادده‌یه‌ دوور نییه‌ بته‌قێته‌وه‌." ئه‌مه‌یش به‌لای مارتین میلیێتێگ که‌ له‌ یه‌کیه‌تیی کارگه‌رانی گواستنه‌وه‌دا چاودێری ژینگه‌ی کاره‌، له‌ دوو ڕووه‌وه‌ په‌سه‌ند نییه‌. له‌لایه‌که‌وه‌ زیان به‌ ژینگه‌ ده‌گه‌یه‌نێت و له‌ لایه‌کی تره‌وه‌ مه‌ترسیی له‌سه‌ر کارگه‌رانی به‌نزینخانه‌کان ده‌نێته‌وه‌.

کڕیاری ئه‌م جۆره‌ مادده‌ کیمیاییانه‌ هیچ ڕێنوێنییه‌ک بۆ دابین نه‌کراوه‌ و به‌ڕێوه‌به‌ری گشتیی ڕێکخراوی به‌نزینفۆڕشه‌کانی سوێد ـ رۆبێرت دیملیچ ـ لای وایه‌ ئه‌گه‌ر شێوازێکی پێ بدۆزرێته‌وه‌ ئه‌م جۆره‌ پاشماوه‌یه‌ی پێ له‌ جێی تایبه‌ت بنرێ، به‌و مه‌رجه‌وه‌ خه‌رجییه‌کی زۆری تێنه‌چێت، ئاماده‌یه‌ هه‌ڵیسه‌نگێنێ و ده‌ڵێ له‌ حاڵی حازردا سیستمێکی وا نییه، لامان وا بێ شیاوی ئه‌وه‌یه‌ له‌ جیاکردنه‌وه‌ی زبڵ و پاشماوه‌ی وادا ڕه‌چاوی بکرێ.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade ljud i menyn under Min lista