مه‌ترسیی بڵاوبوونه‌وه‌ی نه‌وت له‌ ده‌ریای به‌لتیک پێش هاتووه‌

مه‌ترسیی بڵاوبوونه‌وی نه‌وتێکی زۆر به‌ ده‌ریای به‌لتیک ـ به‌ ئیۆسته‌رشوێن ـ دا زیادی کردووه‌، چون ژماره‌ی ئه‌و که‌شتییه‌ بارییانه‌ی نه‌وت به‌م ده‌ریایه‌دا ده‌گوێزنه‌وه‌ زۆر بووه‌ و، ئه‌م زۆرییه‌ چاودێرانی که‌ناره‌کان و پسپۆرانی ژینگه‌ی نیگه‌ران کردووه‌. به‌ڕێوه‌به‌رایه‌تیی چاودێریکردنی که‌ناره‌کانیش ئاماده‌یی بۆ که‌وتنه‌وه‌ی کاره‌ساتی وا زیاد کردووه‌ و ده‌ستی به‌ هاوکاریکردنی وڵاتانی ده‌وروبه‌ری ده‌ریاکه‌ کردووه‌. ئه‌مه‌ ڕۆژنامه‌ی داگێنس نیهێته‌ر بڵاوی کردووه‌ته‌وه‌.

یه‌کێتیی ئه‌ورووپایش مایه‌ی بۆ لێکۆڵینه‌وه‌یه‌کی ئاماده‌کارییانه‌ دابین کردووه‌ که‌ ده‌ست پێ کراوه‌ و که‌ چاوه‌ڕێ ده‌کرێت بارودۆخی هه‌ر هه‌موو ده‌ریاکه‌ی پێ هه‌ڵسه‌نگێنرێت. دیاره‌ که‌ هه‌موو ڕۆژێ دووهه‌زار که‌شتیی باریی به‌ ده‌ریای به‌لتیکدا تێده‌په‌ڕن که‌ 400  ـیان تانکه‌ری نه‌وت ده‌‌ینن و ده‌به‌ن.  

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".