مه‌سیحییه‌دیموکراته‌کان به‌شداری پراید ناکه‌ن

یۆران هێگلون سه‌رۆکی پارتی مه‌سیحییه‌دیموکراته‌کان تاکه‌ سه‌رۆکپارته‌ که‌ به‌شداری له‌ گفتوگۆی سه‌رۆکپارته‌کان له‌ ستۆکهۆلم پراید فیستیڤاڵدا ناکات، ئه‌و فیستیڤاڵه‌ که‌ ساڵانه‌ له‌ کۆتایی مانگی یولیدا ئه‌نجام ده‌درێت تایبه‌ته‌ به‌  که‌سانی هۆ بێ تێ، واتا هاوجنسخوازان له‌ هۆمۆسێکسوێل، بیسێکسوێل، هه‌روه‌ها که‌سانی دووڕه‌گه‌زه‌ و جنسوه‌گۆڕ، ترانسپه‌رشونه‌ر. یۆران هێگلوند له‌ ڕێی به‌رپرسه‌ مێدیاییه‌که‌یه‌وه هۆکاری به‌شدار نه‌بونه‌که‌ی ده‌گه‌ڕێنێته‌وه‌ بۆ ئه‌وه‌ی که‌ ڕۆژی دوای ئه‌و فێستیڤاڵه‌ له‌ دوورگه‌ی ئیۆلاند وتاری ساڵانه‌ی پارته‌که‌ی خۆی پیشکه‌ش ده‌کات.

سه‌رۆکی ڕێکخراوی تایبه‌ت به‌ که‌سانی هاوجنسخوازان و جنسوه‌گۆڕ و دووجنس، ئار ئێف ئێس ئێل، ئه‌م بیانوه‌ی سه‌رۆکی پارتی مه‌سیحییه‌دیموکراته‌کانی لا په‌سه‌ند نییه‌ و ده‌ڵێت گه‌ر هێگلوند ئاره‌زووی لێ بێت ده‌توانێت به‌شداری فیستیڤاڵه‌که‌ بێت. هاوڕای ئه‌مان پارته‌کانی تری هاوپه‌یمانێتی بۆرژوا ڕه‌خنه‌ی توندیان ئاڕاسته‌ی هێگلوند کردووه‌ که‌ ته‌نانه‌ت نیازی ڕۆشتنی له‌ ڕێپێوانه‌که‌ی پرایدیشدا نیه‌.