ده‌ڵه‌که‌کان خراپ مامه‌ڵه‌ کراون

ده‌ڵه‌که‌کان به‌سویدی مینکار، یه‌کتری ئه‌خۆن و باری ده‌روونیان شێواوه‌ ئه‌مه‌ له‌و ڕاپۆرته‌دا هاتووه‌ که‌ هاوپه‌یمانێتی مافی گیانداران ،یورڕێتسئالیانسه‌ن، دوێنێ ئاشکرای کردووه‌ و بیری ڕاپۆرته‌کانمان سه‌باره‌ت به‌ له‌وه‌ڕگای به‌رازه‌کان ده‌خاته‌وه‌. ده‌ڵه‌ک ئه‌و گیانداره‌ی که‌‌ له‌ خێزانی گیانداره‌ شیرده‌ره ‌بڕبڕه‌داره‌کانه‌ و به‌شێوه‌ له‌ سمۆره‌ ئه‌چێت، پێسته‌که‌یان بۆ به‌رهه‌مهێنانی بۆ نموونه‌ جلو به‌رگ به‌کاردێت، و له‌ سویدیشدا به‌هه‌مان مه‌به‌ست له‌وه‌ڕگای تایبه‌تیان هه‌یه‌ که‌ ده‌رکه‌وتووه‌ مه‌رجه‌کانی مافی گیانداران پرناکه‌نه‌وه‌.

 ئه‌مه‌ له‌ کاتێکدایه‌ که‌ به‌رپرسێتی چاوه‌دێریکردنی مافی گیانداران ماوه‌ی ساڵیکه‌ دراوه‌ته‌ سه‌رۆکایه‌تی پارێزگاکان که‌ نیواونیو چاودێرییه‌کان له‌و بواره‌دا که‌م بۆته‌وه‌ و له‌گه‌ڵ ده‌رکه‌وتنی ئه‌و جۆره‌ ڕاپۆرتانه‌دا بڕیاره‌ حوکوومه‌تیش به‌ یاسای مافی گیاندارندا بچێته‌وه‌. به‌ڵآم پارتی چه‌پ له‌ زاری لارش ئۆلی سه‌رۆکیانه‌وه‌ داوای قه‌ده‌غه‌کردنی به‌خیوکردنی گیانداران بۆ مه‌به‌ستی پێسته‌ و خورییه‌که‌یان ده‌کات وه‌ک بۆ نموونه‌ له‌ به‌ریتانیا کراوه‌.

جێی ئاماژه‌یه‌ له‌ مانگی نۆڤه‌مبه‌ری ساڵی ڕابوردوودا هاوپه‌یمانێتی مافی گیانداران ڕاپۆرتێکیان سه‌باره‌ت به‌ بارودۆخی به‌رازه‌کان بڵاوکرده‌وه‌ که‌ له‌ ته‌نگه‌به‌ری و گوێپینه‌داندا یه‌کتریان خواردبوو، له‌ ئه‌نجامدا به‌رازه‌وانێک دادگایی کرا.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade ljud i menyn under Min lista