به‌ڵگه‌ی نوێ له‌ سه‌ر به‌رتیلدران

هه‌ندێ زانیاریی نوێ له‌سه‌ر درانی به‌رتیلی چه‌ند میلیۆنی بۆ فرۆشتنی فڕۆکه‌ی جه‌نگیی سوید، یاس، به‌ ئه‌فریقای باشوور ده‌رکه‌وتوون.

ڕاپۆرتێکی نهێنیی پۆلیسی به‌ریتانیا که‌ به‌شی ناوه‌ندیی ده‌نگوباسی رادیۆی سوید چاوی پێی که‌وتووه‌ باس له‌وه‌ ده‌کا که‌ شیرکه‌تێکی سه‌ر به‌ ساب لانی که‌م 50 میلیۆن کرۆنی داوه‌ته‌ سیاسه‌توانێکی شازی ئه‌فریقای باشوور، هاوپه‌یوه‌ند له‌گه‌ڵ نووسرانی ڕێککه‌وتننامه‌یه‌ک له‌ سه‌ر کڕین فڕۆکه‌ جه‌نگییه‌کانی سوید.

ساڵی ڕابردووو توێژینه‌وه‌یه‌کی سوید له‌ سه‌ر ئه‌گه‌ری به‌رتیلدران له‌ مامه‌ڵه‌یه‌کی فرۆشی فڕۆکه‌ سویدییه‌کان به‌ ئه‌فریقای باشوور کۆتایی پێهێنرا. به‌ڵام له‌ کتێبێکی نوێدا له‌ ژێر ناوی به‌رتیل، ده‌سه‌ڵات و کۆمه‌ک (Mutor, Makt och bistånd) که‌ ڕۆژنامه‌وان نیلس رێسارێ نووسیویه‌تی له‌قاودراوه‌ که‌ کۆنه‌دادستێنیکی سویدی له‌حاڵێکدا که‌ به‌سانایی ده‌کا بێژی پاره‌که‌ به‌ کێش دراوه‌، به‌ڵام په‌روه‌نده‌که‌ی به‌ ئانقه‌ست داخست.

شیرکه‌تی ساب، که‌ به‌رهه‌مهێنی فڕۆکه‌جه‌نگییه‌کانی یاسه‌ ده‌ڵێ ئه‌و خه‌رجه‌ هه‌قده‌ستی ڕاوێژکار بووه‌ و له‌ لایه‌ن ئه‌وانیشه‌وه‌ نه‌دراوه‌. که‌چی به‌ڵگه‌ی نهێنیییه‌کی ئێستا ده‌رکه‌وتووه‌ باس له‌ درانی ئه‌و پاره‌ زۆره‌ له‌ ڕێی بانکه‌وه‌ ده‌کا و ئێستا پۆلیسی به‌ریتانیا خه‌ریکی لێکۆڵینه‌وه‌ له‌ سه‌رێتی.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade ljud i menyn under Min lista