بره‌وه‌ی خه‌ڵاتی به‌خرۆشی ئه‌مساڵ دیاری کرا

خه‌ڵاتی به‌خرۆشی ئه‌مساڵ (Eldsjäl)، له‌ لایه‌ن ‌(Fryshuset) درایه‌ تێنستا کۆمیونیتی سێنته‌ر (Tensta Community Center) که‌ پڕۆژه‌یه‌که‌ له‌لایه‌ن ئاماده‌یی (Ross) له‌ تێنستا له‌ ستۆکهۆلم به‌ڕێوه‌ ده‌چێت بۆ یارمه‌تی دانی لاوان له‌ وانه‌ خوێندن و هه‌روه‌ها چه‌ند چالاکیه‌کی وه‌ک کۆرشی مۆسیقا و سه‌ما. خه‌ڵاته‌که‌ 50 هه‌زار کرۆنه‌ و ده‌درێته‌ ئه‌و که‌سانه‌ی که‌ به‌گه‌رمی خۆ بۆ گه‌یاندنی په‌یام و بیرۆکه‌یه‌ک ته‌رخان ده‌که‌ن.

له‌ هۆکاری به‌خشینی ئه‌م خه‌ڵاته‌دا هاتووه‌ که‌ ئه‌م ناوه‌نده‌ وه‌ک بنکه‌یه‌کی گرنگی گه‌شيپێدان و سه‌رچاوه‌ی ئیلهامی لاوانی تێنستا کاری کردووه‌ و کارمه‌ندانی ئه‌م بنکه‌یه‌ کۆڵنه‌ده‌رانه‌ پشتگیری لاوانیان کردوه‌ به‌تایبه‌ت ئه‌و کاتانه‌ی که‌سانی تر دوودڵانه‌ له‌ یارمه‌تیان کشاونه‌ته‌وه‌.

ئێلین یه‌کێکه‌ له‌و لاوانه‌ی که‌ په‌سه‌ندی تێنستا کۆمیونیتی سێنته‌ر ده‌دات و ده‌ڵێت له‌بری ئه‌وه‌ی له‌ سه‌رسوچی کۆڵان و میترۆکاندا بێکار بوه‌ستین له‌م بنکه‌یه‌دا پێکه‌وه‌ کات به‌سه‌ر ده‌به‌ین.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".