لارش ئۆلی و یمی ئۆکێسۆن

لارش ئۆلی و یمی ئۆکێسۆن به‌ره‌وڕوو بوونه‌وه‌

سه‌رۆکی پارتی چه‌پ لارش ئۆلی و سه‌رۆکی پارتی دژه‌بیانی‌ سڤارییه‌دیموکراته‌نا یمی ئۆکێسۆن بۆ یه‌که‌مجار له‌ گفتوگۆیه‌کدا به‌ره‌و‌ڕووی یه‌ک بوونه‌وه‌ ئه‌ویش له‌به‌رنامه‌ی (Studio ett) له‌ (P1) واتا له‌ که‌ناڵی یه‌کی ڕادیۆی سوید ته‌وه‌ری سه‌ره‌کی باسه‌که‌شیان پرسی کۆچ و په‌نابه‌ران بوو. لارش ئۆلی ڕه‌خنه‌ی توندی له‌و فیلمه‌ گرت که‌ سڤارییه‌دیموکراته‌نا وه‌ک پروپاگه‌نده‌ی هه‌ڵبژاردن بڵاویان کرده‌وه‌ که‌ تێیدا کۆمه‌ڵێک موحه‌جه‌ببه‌ له‌ ده‌ستگه‌یه‌کی فه‌رمی به‌ر له‌ ژنێکی پیری سویدی ده‌گرن، یمی ئۆکێسۆن ده‌ڵێت ئامانجمان له‌و فیلمه‌ ئه‌وه‌یه‌ بڵێین که‌‌ شه‌پۆلی په‌نابه‌ران کێشه‌ بۆ سیستێمی خۆشگوزه‌رانی سوید ده‌نێته‌وه‌.

 له‌ وه‌ڵامی ئۆکێسۆندا سه‌رۆکی پارتی چه‌پ لارش ئۆلی ده‌ڵێت ئه‌و دیتن و په‌یامه‌ ڕه‌گه‌سپه‌رستانه‌، ڕاسیستانه‌یه‌، باشتر که‌ خۆتان نیشانی ده‌ده‌ن که‌ هه‌رچه‌نده‌ هه‌وڵی شاردنه‌وه‌ی په‌یامه‌ ڕه‌گه‌زپه‌رستانه‌کانتان ده‌ده‌ن به‌ ڵام هێشتا ئێوه‌ واتا سڤاریه‌دیموکراته‌نا په‌یامه‌کانتان گوزاره‌ له‌ بیرو باوه‌ڕێک ده‌که‌ن  که‌ جیاوازی له‌به‌ینی مرۆڤ و مرۆڤدا ده‌کات و به‌چاوی که‌م سه‌یریان ده‌کات، ئه‌وه لارش ئۆلی ده‌ڵێت ترسنۆکی و بێهێزییه‌ له‌ سیاسه‌تی سڤارییه‌دیموکراته‌نادا.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".