گومانلێکراوانی ڕووداوه‌که‌ی ڕۆننا ده‌ستگیر کران

چوار که‌س به‌ گومانی کوشتنی دوو براکه‌ی گه‌ڕه‌کی ڕۆننه‌ (Ronna) له‌ سیۆده‌رتێلیه‌ ئه‌م به‌یانییه‌ ده‌ستگیر کران، یه‌کێک له‌و چوارکه‌سه‌ گومانی ئه‌نجامدانی کوشتنه‌که‌ی لێ ده‌کرێت و سێ که‌سه‌که‌ی تریش به‌ گومانی یاریده‌دانی ئه‌و تاوانه‌ ده‌ستگیر کراون. ئه‌و دووبرایه که‌ یه‌کێکیان یاریزانی تۆپی پێی یانه‌ی ئاشورییه‌کانه‌ له‌ مانگی شه‌شی ڕابوردوودا له‌ هۆڵی یانه‌یه‌کی قومار، هه‌ردووکیان ته‌قه‌یان لێ کراو کوژران.

ئه‌و چوار که‌سه‌شی به‌گومانی ئه‌نجامدانی ئه‌و کوشتنه‌ ده‌ستگیر کراون پێشتر وه‌ک تاوانکار لای پۆلیس ناسراون. جێی باسه‌ ئه‌مه‌ دووه‌م کاری کوشتنه‌ که‌ له‌ماوه‌ی ساڵێکدا له‌ یانه‌ی ئواسه‌ن له‌ ڕۆننه‌ ئه‌نجام ده‌درێت. تا ئیستاش پۆلیس و کۆمۆنی سیۆده‌رتێلییه‌ هه‌وڵێکی زۆریان بۆ داخستنی ئه‌و یانه‌یه‌ داوه‌ به‌ڵام تا ئێستا هه‌وڵه‌کان بێهووده‌ بووه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".