Jack Mikrut، Scanpix

کوشتنی ژنی کورد له‌ سوید دووباره‌ بۆوه‌

به‌ هه‌ردوو ده‌ستی خوێناوییه‌وه‌ له‌ په‌نجه‌ره‌ی وێستگه‌ی پۆلیسی کاترینه‌هۆڵم ده‌دات و هاوار ئه‌کات ..کوشتم.. من کوشتم. ئه‌مه هاواری‌ پیاوێکی 62 ساڵانه‌یه‌‌ پاش ئه‌وه‌ی ژیانی 21 ساڵانه‌ی کوشتبوو. ژیان ‌ کچی خۆی نییه‌ به‌ڵام هه‌ر‌ له‌ مناڵاییه‌وه‌ به‌ خۆی گرتووه‌ تا ڕۆژی دووشه‌ممه‌ پانزه‌ی ئه‌م مانگه‌ به‌ قسه‌ی خۆی ژیان ئه‌داته‌ به‌ر هێرشی چه‌قۆکانی و ده‌یکوژێت.

ئێستا ئه‌و پیاوه‌ له‌ دادگاییدایه‌ و هه‌رچه‌نده‌ گومانلێکراو خۆی ده‌ڵێت بۆ کڕینه‌وه‌ی شه‌ره‌ف و سه‌رفرازیم ئه‌و کاره‌م کردووه‌ به‌ڵام هه‌ندێک پێیان وایه‌ ‌کێشه‌یه‌کی خێزانی تایبه‌ته‌ و په‌یوه‌ندی به‌ شه‌ره‌فه‌وه‌ نییه‌. براکانی ژیانیش به‌توندی ئه‌و کاره‌ی باوکیان مه‌حکووم کردووه‌.

له‌و ڕووداوه‌ و په‌یوه‌ست به‌ ڕۆژی جیهانی دژ به‌ توندوتیژی به‌رامبه‌ر به‌ ژنان که‌ ڕێکه‌وتی ئه‌مڕۆیه‌، باسێک له‌و باره‌یه‌وه‌ ده‌وروژێنین، سه‌ره‌تا ڕاوێژکاری کۆمه‌ڵایه‌تی پسپۆری بواری خێزان و توندوتیژی دژ به‌ ژنان گوڵنار قوبادی له‌ ئوپسالاوه‌ و عه‌باس حه‌مه‌د چالاکوانی بواری پرسی ژنان له‌ ستۆکهۆلم.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".