کۆبونه‌وه‌ی که‌ش و ئاووهه‌وای جیهانی ده‌ستی پێ کرد

ئه‌مڕۆ کۆبونه‌وه گه‌وره‌که‌ی ڕێکخراوی نه‌ته‌وه‌یه‌کگرتووه‌کان له‌سه‌ر پرسی که‌ش و ئاووهه‌وا ‌ده‌ستی پێ کرد. ئه‌م کۆبوونه‌وه‌یه‌ که‌ له‌ کانکونی وڵاتی مه‌کسیک ده‌به‌سترێت و زۆربه‌ی وڵاتانی جیهان تێیدا به‌شدارن. سوید ئه‌ندامێکی گرنگی یه‌کیه‌تیی ئه‌ورووپایه‌ و ده‌بێت له‌گه‌ڵ وڵاتانی تری یه‌کیه‌تییه‌که‌ ڕێ بۆ ئه‌وه‌ خۆش بکه‌ن که‌ یه‌کیه‌تیی ئه‌ورووپا ڕۆڵی کاریگه‌ری خۆی ببینێت هه‌روه‌ها سوید ده‌توانێت ڕۆڵیكی به‌رچاوی له‌ ڕێکخستنی گفتوگۆکان و به‌هێزکردنی متمانه‌ی نێوان وڵاتاندا هه‌بێت له‌ کاتێکدا سوید په‌یوه‌ندی باشی له‌گه‌ڵ وڵاتانی جیهانی سێیه‌م ناسراو به‌ جیهانی گه‌شه‌سێندا هه‌یه‌. به‌ڕای به‌ڕێوه‌به‌ری دانوستانه‌کان ئه‌نده‌رش تورێسۆن.

چاوه‌ڕوانییه‌کان له‌ کۆبونه‌وه‌ی ئه‌مجاره‌ی که‌شوهه‌وا زۆرن به‌ تایبه‌ت که‌ کۆبونه‌وه‌کانی ساڵی ڕابوردوو که‌ له‌ شیۆپه‌نگهامن له‌  دانمارک به‌سترا ده‌رئه‌نجام و ڕێککه‌وتنی ئه‌وتوۆی لێ نه‌که‌وتنه‌وه‌ و به‌ کۆبونه‌وه‌یه‌کی شکستخواردوو وه‌سف کرا، ئه‌مه‌ له‌ کاتێکدا بوو که‌ سوید سه‌رۆکی یه‌کیه‌تیی ئه‌ورووپا بوو.  

ئه‌مجاره‌ سوید ده‌توانێت جه‌خت له‌ که‌مکردنه‌وه‌ی ده‌رچه‌ ژینگه‌شێوێنه‌کان به‌ له‌سه‌دا 30 بکات له‌ بری له‌سه‌دا 20 وه‌ک ئه‌وه‌ی ڕێککه‌وتنی له‌سه‌ر کراوه‌. هه‌روه‌ها سوید که‌ توانیویه‌تی ده‌رچه‌ ژینگه‌ شێوێنه‌کانی به‌ له‌سه‌دا 14 که‌م بکاته‌وه‌ ده‌توانێت نیشانی جیهانی بدات که‌ به‌ که‌مکردنه‌وه‌ی به‌کارهیێنانی وزه‌ نه‌وتییه‌کان حاڵێ که‌ش و ئاووهه‌وامان باشتر ده‌بێت. به‌ڕای سه‌رۆکی کۆمه‌ڵه‌ی سویدی پاراستنی سروشت سڤانتێ ئاکسلسۆن.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".