ئاوی خواردنه‌وه‌ی ئیۆسته‌رسوند پیس بووه‌

مه‌ترسی ئه‌وه‌ هه‌یه‌ که‌ نزیکه‌ی سێ تا نۆ هه‌زار هاوڵاتی کۆمۆنی ئیۆسته‌رشوند  توشی نه‌خۆشی ناوسک بووبن ئه‌ویش به‌هۆی به‌کتریایه‌کی مشه‌خۆر که‌ له‌ ڕیخۆڵه‌کاندا ئه‌گیرسێته‌وه‌. پێش که‌مێک له‌ ئێستا ده‌رئه‌نجامی لێکۆڵینه‌وه‌کان ده‌ریان خست که‌ به‌ڵێ ئه‌م نه‌خۆشییه‌ی ئه‌م هه‌رێمه‌ی گرتۆته‌وه‌ له‌ ڕێی ئاوی خواردنه‌وه‌وه‌‌ بڵاو بۆته‌وه‌ به‌ڵام تا ئێستا نه‌زانراوه‌ که‌ چییه‌ بۆته‌ هۆی پیس بوونی ئاوی ئه‌و کۆمۆنه‌ به‌و جۆره‌ به‌کتێریایه و  کارڕاییه‌کانیش بۆ پاککردنه‌وه‌ی ئاوی خواردنه‌وه‌ی ئه‌و کۆمۆنه‌ ده‌ست پێ ده‌کرێت‌.

بۆ خۆ پاراستن داوا له‌ هاوڵاتیانی ئه‌و ناوچه‌یه‌ کراوه‌ که‌ ئاوی خواردنه‌وه‌ پێش به‌کارهێنانی بکوڵێنن. تا ئێستاش 1500 که‌س به‌ هۆی ئه‌و به‌کتریایه‌وه‌  نه‌خۆش که‌وتوون و بۆ چاره‌سه‌ر په‌یوه‌ندییان به‌‌ نه‌خۆشخانه‌کانه‌وه‌ کردووه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".