Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/

سوید: گه‌ڵاکۆکا نابێت یاسایی بێت

سوید دژ به‌ پێشنیازی به‌ یاسایی کردنی گه‌ڵای کۆکا پرۆتێست ده‌کات. گه‌ڵای کۆکا (kokablad) که‌ تا ئێستا وه‌ک ماده‌ی بێهۆشکه‌ر  پۆلێن کراوه‌ و له‌لیستی مادده‌ قه‌ده‌غه‌کراوه‌کاندا بووه‌ له‌لایه‌ن پۆلیڤیاوه‌ داوای به‌ یاساییکردنی کراوه‌. پۆلیڤیا له‌ پێشنیازه‌که‌یاندا ده‌ڵێن جوینی گه‌ڵای کۆکا نه‌ریتێکی کۆنی دانیشتوانی ڕه‌سه‌نی ئه‌و وڵاته‌یه‌ و قه‌ده‌غه‌کردنی سووکایه‌تییه‌ به‌و نه‌ریته‌ هه‌زار ساڵه‌یه‌.

به‌ڵام چه‌ند وڵاتێک دژ به‌م پێشنیازه‌ی پۆلیڤیا وه‌ستاونه‌ته‌وه‌ و له‌ پشت پرۆتێسته‌که‌ی سویدیشه‌وه‌ وه‌زیری کاروباری منداڵان و به‌ساڵاچوان مارییا لارشۆن وه‌ستاوه‌. 

- ئێمه‌ وه‌ک سوید سوورین له‌سه‌ر ئه‌وه‌ی که‌ په‌یماننامه‌ی ڕێکخراوی نه‌ته‌وه‌ یه‌کگرتووه‌کان له‌سه‌ر ئه‌م پرسه‌ پێشێل نه‌کرێت، ئاخر گۆڕینی ناوه‌ڕۆکی ئه‌و په‌یماننامه‌یه‌ مانای شلکردنه‌وه‌یه‌تی به‌ شێوه‌یه‌کی مه‌ترسیدار که‌ ئیتر ڕێ بۆ به‌یاسایی کردنی ئه‌و ماده‌ بێهۆشکه‌ره‌ له‌ زۆر وڵاتدا که‌ خوازیارین، خۆش ده‌کات.        

دژ به‌م پرۆتێسته‌ی سوید به‌رپرسی گروپی ئه‌مه‌ریکای لاتین له‌سوید ده‌ڵێت ده‌بێت سوید  بنه‌مای زانستی هه‌بێت تا مه‌ترسییه‌کانی گه‌ڵاکۆکا بسه‌لمێنێت ئینجا داوای قه‌ده‌غه‌ کردنی بکات.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".