تاوانکاران وه‌ک هاووڵاتی پله‌ دوو چاو لێ ده‌کرێن

ئه‌و ژنه‌ 30 ساڵانه‌یه‌ی له‌ مانگی نۆڤه‌مبه‌ری ساڵی پاردا به‌ مردوویی له‌ یه‌کێک له‌ ژووره‌کانی زیندانی (kronobergshäktet) دۆزرایه‌وه‌ به‌هۆی گوێپێنه‌دانی نه‌خۆشخانه‌وه‌ وای لێ به‌سه‌ر هات. ئه‌و ژنه‌‌ پاش ئه‌وه‌ی له‌ نه‌خۆشخانه‌ی (St Görans sjukhus)ه‌وه‌ بێ دیاریکردنی نه‌خۆشییه‌که‌ی و بێ چاره‌سه‌ری پێویست نێردرابۆوه‌ زیندانی پاش چه‌ند سه‌عاتێک لاشه‌یه‌کی سارد و ته‌نها له‌ ژوره‌که‌یدا دۆزرایه‌وه‌.

 به‌ڵێ  بنکه‌ی چاوه‌دێری تاوانکاران  (kriminalvården) ئێستا هاتوونه‌ته‌ ده‌نگ و ڕه‌خنه‌ی توند ئاڕاسته‌ی بنکه‌ ته‌ندروستییه‌کان ده‌کات که‌ به‌ چاوێکی که‌م سه‌یری ئه‌و نه‌خۆشانه‌ ده‌که‌ن که‌ له زیندانه‌وه‌ بۆ چاره‌سه‌ر ده‌نێردرێنه‌ نه‌خۆشخانه‌کان . لارش هۆکان نیلسۆن ڕاوێژکاری ته‌ندروستییه‌ که‌ بنکه‌ی چاوه‌دێری تاوانکاران ده‌ڵێت ئه‌و که‌سانه‌ وه‌ک هاووڵاتی پله‌ دوو حسابیان بۆ ده‌کرێت.

-  ئاخر ئه‌گه‌ر ئه‌و نه‌خۆشانه‌ که‌سانی ئاسایی بونایه‌ ئاوها بێ چاره‌سه‌رکردن نه‌ ده‌نێردرانه‌وه‌، لارش هۆکان ده‌ڵێت زیندانییه‌کانمان له‌ چاوی کارمه‌ندانی نه‌خۆشخانه‌کاندا هاوڵاتی پله‌ دوون. هه‌مووان ده‌بێت به‌ یه‌ک چاو سه‌یر بکرێن و له‌ بار و پێداویستییه‌ ته‌ندروستییه‌که‌یانه‌وه‌ ده‌بێت مامه‌ڵه‌یان له‌گه‌ڵدا بکرێت نه‌ک باره‌ کۆمه‌ڵایه‌تییه‌که‌یان.

 ئینگ ماری ویسه‌لگرێن شاره‌زای بواری ته‌ندروستی ده‌روونیی هاوڕای لارش هۆکان نیلسۆن ده‌ڵێت  به‌داخه‌وه‌ تا ئێستا له‌ سوید دا ئه‌و که‌سانه‌ی باری  دارایی و کۆمه‌ڵایه‌تییان که‌وتووه‌ بۆ نموونه‌ که‌سانی ئالوده‌ی مه‌ی و که‌سانی تاوانکار چارسه‌ری ته‌ندروستی پێویستیان پێناگات به‌کورتییه‌که‌ی و به‌ڕای ویسه‌لگرێن له‌ بواری ته‌ندورستیدا کێشه‌ی نا عه‌داله‌تی کۆمه‌ڵایه‌تی هه‌یه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".