سیاسه‌توانێکی سڤارییه‌دیموکراته‌نا جنێوی به‌ بیانیان داوه‌

سیاسه‌توانێک له‌ ئاستی کۆمۆن واتا شاره‌وانیدا  سه‌ر به‌لیستی پارتی دژه‌ بیانی سڤارییه‌دیموکراته‌نا له‌به‌رده‌م ئه‌گه‌ری ده‌رکردندایه‌ له‌ پۆسته‌که‌ی. ئه‌مه‌ دوای ناردنی ئه‌و نامه‌ ئه‌له‌کترۆنی واتا مه‌یله‌ دێت که‌ ئه‌و سیاسه‌توانه‌ بۆ ڕۆژنامه‌ی (svenska dagbladet) ناردووه‌ و تێیدا به‌ بیروباوه‌ڕێکی ڕاسیستانه‌وه‌ هێرش ده‌کاته‌ سه‌ر که‌سانی به‌ڕه‌گه‌ز بیانی. ئه‌مه‌ دوای ئه‌و زنجیره‌ وتاره‌  دێت که‌ ڕۆژنامه‌ی سڤێنسکا داگبلادێت تێیدا ڕه‌خنه‌ له‌ خاوه‌ن خانوبه‌ره‌کانی گه‌ڕه‌که‌ په‌ڕاوێزه‌ بیانینشینه‌کان ده‌گرێت که‌ که‌مته‌رخه‌می له‌ خزمه‌تگوزارییه‌کانیاندا ده‌که‌ن.

له‌ وه‌ڵامی ئه‌و ڕه‌خنانه‌دا ئه‌و سیاسه‌توانه‌ی سڤارییه‌دیموکراته‌رنا له‌ به‌شێکی مه‌یله‌که‌یدا بۆ ڕۆژنامه‌‌که‌ ده‌ڵێت گله‌یی ده‌بێت له‌ کرێچییه‌کان بکرێت نه‌ک خاوه‌نماڵه‌کان و له‌و وێنه‌یه‌ی ڕۆژنامه‌که‌تاندا شه‌یتانێکی ڕه‌شپێست گله‌یی ئه‌وه‌ ده‌کات که‌ ده‌رگای دۆڵابه‌کانی ماڵه‌که‌ی خراپ بووه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".