FREDRIK SANDBERG / SCANPIX

بێکاری له‌ سویددا که‌م ده‌کرێته‌وه‌

بێکاری له‌ سوید و ماڵتا به‌راورد به‌ وڵاتانی دیکه‌ی یه‌کیه‌تیی ئه‌ورووپا به‌ شێوه‌یه‌کی به‌رچاو که‌می کردووه‌. ئه‌مه‌ له‌ نوێترین ئاماری یه‌کییه‌تی ئه‌ورووپادا سه‌باره‌ت به‌ ئاستی بێکاری  ده‌رکه‌وتووه‌ و وه‌زیری دارای سویدیش ئه‌نده‌رش بۆری زۆر گه‌شبینانه‌ له‌ داهاتووی بازاڕیکاری سوید ده‌ڕوانێت.

- له‌ کۆتایی ئه‌م خولی ده‌سه‌ڵاته‌دا گه‌ر بێت وقه‌یرانێکی ئابووری نه‌یه‌ته‌ پێش باره‌که‌ بۆ که‌مکردنه‌وه‌ی بێکاری بۆ له‌سه‌دا 5 له‌بار ده‌بێت. من پێم وایه‌ ئه‌نده‌رش بۆری ده‌ڵێت  ده‌بێت ئێمه‌ش بتوانین بێینه‌ ئاستی ئه‌و وڵاتانه‌ی که‌ ئاستی بێکاری تێیاندا نزمه‌ وه‌ک وڵاتانی نه‌مسا، دانمارک، هۆڵاندا و ئه‌ڵمانیا. ده‌بێت ئامانجمان له‌ پرسی بێکاریدا چونه‌ ڕیزی وڵاته‌ پێشه‌نگه‌کان بێت. به‌ ڕای ئه‌نده‌رش بۆری.

به‌ڵێ سوید ئاستی بێکاری له‌ نزیکه‌ی له‌سه‌دا 9 وه‌ که‌م کردۆته‌وه‌ بۆ له‌سه‌دا نزیکه‌ی 8 واتا به‌ یه‌که‌یه‌کی سه‌دیی ئاستی بێکاری که‌م بۆته‌وه‌، وێنه‌ی سوید وڵاتی ماڵتایه‌ له‌م پرسه‌دا که‌ به‌و پێیه‌ به‌ خێراییه‌کی به‌رچاو ئاستی بێکاری تێیدا دابه‌زیووه‌. ئێستاش که‌ وه‌زیری دارایی په‌یمانی که‌مکردنه‌وه‌ی بێکاری بۆ له‌سه‌دا پێنج ده‌دات کارێکی هه‌روا ئاسان نییه‌ به‌تایبه‌ت له‌ ئاستی کارڕاییه‌ سیاسییه‌کاندا و له‌ کاتێکدا ئاستی بێکاری لاوان بێ شووماره‌. به‌ڵام بۆری هه‌ر گه‌شبینه‌.

 - به‌ڵێ وایه‌ که‌ بێکارییه‌کی زۆر له‌ نێو لاواندا به‌ربڵاوه‌ به‌ڵام ئه‌گه‌ر چاوێک له‌ ئه‌ڵمانیا، نه‌مسا و هۆڵه‌نده‌ بکه‌ین که‌ نموونه‌ی بازاڕی کاریان وێنه‌ی سویده‌ ده‌بینین به ‌هۆی ئه‌و سیستێمه‌ خوێندنه‌ سه‌رکه‌وتووه‌ی که‌ هه‌یانه‌ دیارده‌ی بێکاری لاوانیان باش چاره‌سه‌ر کردووه‌ و سویدیش به‌ ڕای بۆری ده‌بێت چاو له‌ وان بکات و په‌یمانی خوێندن و پراکتیکی باشتریش ده‌دات.  

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".