Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/

پارتی ژینگه‌ داوای چاککردنی مه‌رجی په‌نابه‌ریی ده‌که‌ن

بڵاو کرایه‌وه‌ fredag 4 februari 2011 kl 11.36

پارتی ژینگه‌ داوای هه‌لومه‌رجی باشتر بۆ بێمۆڵه‌تان و که‌مکردنه‌وه‌ یاخود به‌ته‌واوی لابردنی مه‌رجه‌کانی پێکهاتنه‌وه‌ی خێزانی په‌نابه‌ران ده‌که‌ن. هه‌ردوو ووته‌بێژی پارتی ژینگه‌ ماریا ڤێته‌رستراند و پێته‌ر ئێریکسۆن له‌ وتارێکی هاوبه‌شدا له‌ ژماره‌ی ئه‌مڕۆی داگه‌نسنێهێته‌ردا ده‌ڵێن پێش ئه‌وه‌ی پارتی دژه‌ بیانی سڤارییه‌دیموکراته‌رنا سیاستی خۆیان سه‌باره‌ت به‌ پرسی په‌نابه‌ریی له‌ مه‌یدانه‌که‌دا بسه‌پێین ده‌مانه‌وێت له‌گه‌ڵ حوکوومه‌تدا له‌ماوه‌ی ئه‌م خولی ده‌سته‌ڵاته‌دا له‌سه‌ر سیاسه‌تێکی هاوبه‌ش و ڕوون سه‌باره‌ت به‌ پرسی کۆچهێنی و ڕێساکانی په‌نابه‌ری پێک بێین.

هه‌ردوو پێشنیاز ده‌که‌ن بێمۆڵه‌تان وه‌ک هه‌ر هاوڵاتییه‌کی تر مافی خزمه‌تگوزاریی ته‌ندروستییان هه‌بێت و ئه‌و که‌سانه‌شی ده‌یانه‌وێت خێزان و منداڵه‌کانیان بهێننه‌ سوید مه‌رجه‌کانیان له‌سه‌ر سووک بکرێته‌وه‌. جێی باسه‌ به‌پێی ئه‌و ڕێسایانه‌ی که‌ ئێستا باوه‌ بۆ نموونه‌ که‌سێکی په‌نابه‌ر گه‌ر بییه‌وێت خیزان و مناڵه‌کانی بهێنێته‌ سوید ده‌بێت پێشوه‌خت کار و ماڵی دابین کردبێت. ‌ به‌ڕای هه‌ردوو وته‌بێژی ژینگه‌ ئه‌مه هۆکاری لێکدابڕانی ئه‌و خێزانانه‌یه‌ که‌ ده‌رئه‌نجامی نێگه‌تیڤی لێ ده‌که‌وێته‌وه‌. به‌ڵام گروپێکی له‌بیرکراو له‌م پرسه‌دا به‌ڕای وته‌بێژانی پارتی ژینگه‌ ئه‌و ژنانه‌ن که‌ به‌ هاوسه‌رگیری دێنه‌ سوید و کاتێک له‌لایه‌ن مێرده‌کانیانه‌وه‌ توشی لێدان و توندوتیژی دێن ته‌نها له‌به‌ر ئه‌وه‌ی مۆڵه‌تی مانه‌وه‌ی هه‌میشه‌ییان وه‌رنه‌گرتووه‌ مافی پارێزگاری نایان گرێته‌وه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".