Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Det brinner i en industrilokal. Giftig rök sprider sig österut mot Giraffens köpcentrum. Alla som befinner sig i området bör bege sig därifrån. Boende i området uppmanas att gå inomhus och stänga dörrar, fönster och ventilation. För mer information lyssna på Sveriges Radio P4 Kalmar.
(Publicerat idag kl 17.16)
.دەزگای کەشناسیی سوید هۆشیاری پلە سێی بەهۆی توانەوەی بەفرو هەستانی لاڤاوەوە لە هەرێمی یاڤلەبۆرێ ڕاگەیاند

فێرخوازانی به‌ڕه‌گه‌ز بیانی به‌هه‌ڵه‌ ده‌خرێنه‌‌ فێرگای تایبه‌ت

بڵاو کرایه‌وه‌ måndag 7 februari 2011 kl 17.15

فێرخوازانی قۆناغی سه‌ره‌تایی و به‌ تایبه‌ت منداڵانی به‌ ڕه‌گه‌ز بیانی به‌هه‌ڵه‌ له‌ فێرگا تایبه‌ته‌کاندا (särskola) داده‌نرێن، که‌موکورتییه‌کان له‌ هه‌ڵسه‌نگاندنی توانای ئه‌و فێرخوازانه‌دا زۆرن و‌ به‌ڕای شاره‌زایانی بواری په‌روه‌رده‌ کۆمۆنه‌کان ده‌بێت له‌و بواره‌دا گه‌شه‌ به تێگه‌شتن و زانیارییه‌کانیان سه‌باره‌ت به‌ فێرخوازانی به‌ڕه‌گه‌ز بیانی بده‌ن و بۆ تێگه‌شتن له‌ توانای ڕاسته‌قینه‌ی منداڵانی به‌ڕه‌گه‌ز بیانی ده‌بێت له‌ پاشخانی کولتووری ئه‌و منداڵانه‌ تێ بگه‌ن. مامۆستای زانکۆی سیۆده‌رتیۆرن له‌ ستۆکهۆلم فه‌رهادجیهانمیهه‌ن له‌م پرسه‌ به‌گشتی و دیدی خێزانه‌ کوردییه‌کان سه‌باره‌ت به‌ و منداڵانه‌ی پێداویستی تایبه‌تیان هه‌یه‌ تاوتوێ ده‌کات، هه‌روه‌ها باس له‌ چاره‌سه‌رێکی نوێ بۆ کێشه‌ی ئه‌و منداڵانه‌ له‌ بواری په‌روه‌رده‌و خوێندندا ده‌کات.

  

به‌ڵێ هه‌فته‌ی ڕابوردوو له‌ به‌دواداچوونی چوار ده‌ستگه‌ی تایبه‌ت به‌ کاروباری خوێندگاکانی سوید و له‌ نێویاندا ده‌ستگه‌ی پشکنینی فێرگاکان (skolinspektionen) که‌‌ له‌ 30 کۆمۆنی سویدیان کۆڵیوه‌ته‌وه‌ ، ده‌رکه‌وت که‌ فێرخوازانێکی زۆر به‌تایبه‌ت به‌ڕه‌گه‌ز بیانی به‌هه‌ڵه‌ له‌ فێرگا تێبه‌ته‌کاندا داده‌نرێن. ژماره‌ی ئه‌و منداڵانه‌ چه‌نده‌ هێشتا ئامارێک نییه‌ له‌ حاڵی حازردا پشتی پێ ببه‌سترێت به‌ڵام ده‌کرێت باس له‌ هۆکاره‌کانی ئه‌م کێشه‌یه‌ بکرێت، هه‌ندێک هۆکار هه‌ن که‌ ده‌کرێت له‌ پشتی به‌هه‌ڵه‌ هه‌ڵسه‌نگاندنی توانای منداڵانی بیناییه‌وه‌ هه‌بن، ئه‌مه‌ له‌و ڕوانگه‌یه‌وه‌ که‌ فێرگای تایبه‌ت سارسکۆلان بۆ ئه‌و منداڵانه‌یه‌ که‌ تواناکانیان له‌ بیرکردنه‌وه‌ و تێگه‌شتندا سسته‌ به‌ڵام ئه‌گه‌ر ئاستی تێگه‌شتنی منداڵێکی بیانی له‌ فێرگادا وه‌ک پێوست نه‌بێت ڕه‌نگه‌ په‌یوه‌ندی به‌ پاشخانی کلتوریی و شێوازی جیاوازی بیرکردنه‌وه‌یه‌وه‌ هه‌بێت نه‌ک سستزه‌ینی. جیا کردنه‌وه‌ی ئه‌م دووهۆکاره‌ له‌ کاتی هه‌ڵسه‌نگاندنی توانی فێربوونی منداڵانی بینای و ئه‌گه‌ری پێویستیان به‌ فێرگای تایبه‌ت کارێکی ئاسان نییه‌. ئه‌مه‌ ئه‌زموونی ده‌روونناسێکی به‌ڕه‌گه‌ز بیانیییه‌ که‌ پرۆفێسۆر یێری روسه‌نکڤیست له‌ زانکۆی کرستیناستاده‌وه‌ ده‌یگێڕێته‌وه‌.

-  گه‌ر بۆ نموونه‌ نه‌نک و باپیر و هاوڕێکانت هه‌روه‌ها پشیله‌که‌‌ت جێهیشتبێت و به‌ سه‌رماو سۆڵه‌یه‌کی زۆرا به‌سه‌ر شاخێکدا سه‌رکه‌وتبیت، پاش ئه‌مانه‌ بدرێیته‌ به‌ر تاقیکردنه‌وه‌ی تواناکانت وه‌ک ئه‌وه‌ی له‌ بارودۆخێکی ئاساییه‌وه‌ هاتبیت  سه‌یر نییه‌ که‌ له‌ تاقیکردنه‌وه‌که‌یا ده‌نه‌چیت. ئه‌م نموونه‌یه‌ به‌ڕای پرۆفێسۆر روسه‌نکڤیست وه‌سفکردنێکی ڕوون و ئاسانه‌ بۆ ئه‌و فێرخوازانی پاشخانێکی غه‌یره‌ سویدیان هه‌یه‌ و کاتێک ده‌خرێنه‌ به‌ر تاقیکردنه‌وه‌ی تواناکیانیان ناتوانن وه‌ک فێرخوازێکی سویدی وه‌ڵامی پرسیاره‌کان بده‌نه‌وه‌ که‌ واده‌کات به‌ هه‌ڵه‌ ده‌خرێنه‌ فێرگای تایبه‌ت وه‌ک ئه‌وه‌ی کێشه‌ی سستزه‌ینییان هه‌بێت. 

له‌م باره‌یه‌وه‌ ئینگرید زێۆنی له‌ ده‌ستگه‌ی کاروباری په‌روه‌رده‌ی تایبه‌ته‌وه‌ ده‌ڵێت ئه‌و تاقیکردنه‌وانه‌ی‌ که‌ بۆ هه‌ڵسه‌نگاندنی توانای فێرخوازانن به‌ پێی زمان و کلتوری منداڵان سویدی گونجێنراون که‌ ڕه‌نگه‌ به‌کارهێنانی بۆ تاقیکردنه‌وه‌ی منداڵێکی بیانی ده‌رئه‌نجامی هه‌ڵه‌ی هه‌بێت.

- ئێمه‌ له‌ کولتوری وڵآتانی ڕۆژئاوادا زۆر به‌ ڕوونی شته‌کانی دورووبه‌رمان پۆلێن ده‌که‌ین، بۆ نموونه‌ ئامێره‌کان هه‌ریه‌که‌و بۆ خۆیان، میوه‌کان به‌ پێێ جۆره‌کانیان و نموونه‌ی تری له‌و جۆره‌ به‌ڵام له‌ وڵآتانی تری غه‌یره‌ ئه‌ورووپی بۆ نموونه‌ شته‌کان به‌شیوه‌یه‌کی تر پۆلێن ده‌کرێن بۆ نموونه‌ پرته‌قاڵێک و چه‌قۆیه‌ک بۆ ڕوونکردنه‌وه‌ی په‌یوه‌ندی نێوانیان له‌ خانه‌یه‌که‌دا دا ده‌نرێن. هه‌ربۆیه‌ ئه‌و که‌س و لایه‌نه‌ی هه‌ڵسه‌نگاندن بۆ تواناکانی منداڵی بیانی ده‌کات ده‌بێت تێگه‌شتنی بۆ ئه‌و پاشخان و جیاوازییانه‌ هه‌بێت. به‌ هه‌ڵه‌ دانانی فێرخوازان له‌ فێرگای تایبه‌تدا ده‌رئه‌نجامی مه‌ترسیداری بۆ داهاتووی فێرخوازان هه‌یه  ‌به‌ شێوه‌یه‌ک بواری خوێندنی هه‌ندێک ڕشته‌یان له‌ زانکۆ و په‌یمانگا پیشه‌ییه‌کاندا لێ ده‌به‌ستێته‌وه‌. ئه‌وه‌ش مانای داخستنی ده‌رگاکانی بازاڕی کاره‌ به‌ڕووی ئه‌و فێرخوازانه‌دا.

 له‌م ڕوانگه‌یه‌وه‌ باس له‌ ڕه‌وا‌تێکی نوێی په‌روه‌رده‌ ده‌کرێت که‌ بۆ چاره‌سه‌ری کێشه‌ی ئه‌و منداڵانه‌ ده‌گیرێته‌ به‌ر که‌ پێداویستی تایبه‌تییان هه‌یه‌. به‌شێوه‌یه‌ک که‌ چیتر منداڵانی ئاسایی‌ و ئه‌ ومنداڵانه‌ی پێداویستی تایبه‌تییان هه‌یه‌ له‌ فێرگاکاندا هاوپۆلی یه‌ک بن. ئه‌و پرسه‌ له‌گه‌ڵ مامۆستای زانکۆی سیۆده‌رتیۆرن له‌ ستۆکهۆلم فه‌رهاد جیهانمیهه‌ن تاوتێ ده‌که‌ین که‌ ئاماژه‌ به‌ کێشه‌ی ئه‌و منداڵانه‌ له‌ کۆمه‌ڵگه‌ و خێزانه‌ کوردییه‌کاندا ده‌کات.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".