مه‌رجه‌کانی سه‌رۆکی نوێی سۆسیالدیموکراته‌کان دیاری کراوه‌

ده‌بێت له‌ گفتوگۆو سیاسییه‌کانیدا کارامه‌ و که‌سێکیش بێت باوه‌ڕی به‌ بنه‌ما و به‌هاکانی پارته‌که‌ی هه‌بێت. له‌وه‌ش گرنگتر ده‌بێت توانای کۆکردنه‌وه‌ی هه‌موو باڵه‌کانی پارته‌که‌ی هه‌بێت و له‌گه‌ڵ گۆڕانکارییه‌کانی کۆمه‌ڵگه‌دا سیاسه‌تی پارته‌که‌ نوێ بکاته‌وه‌. ئه‌مانه‌ هه‌ندێکن له‌و مه‌رجانه‌ی که‌ ده‌بێت له‌ سه‌رۆکی پارته‌که‌دا دا هه‌بن و هه‌ر بیستوشه‌ش مه‌ڵبه‌نده‌که‌ی سۆسیالدیموکراته‌کان هه‌فته‌ی ڕابردوو له‌سه‌ری ڕێککه‌وتن. به‌ڵام تا ئێستا که‌س ئه‌و مه‌رجانه‌ی پڕنه‌کردۆته‌وه‌ و پرسیاری سه‌رۆکێکی نوێ هێشتا بێ وه‌ڵامه‌ و لاوانی سۆسیالدیموکرات ده‌ڵێن سه‌رۆکێکی نوێی ده‌بێت ‌ دیدی سیاسی و تێڕوانینی بۆ کێشه‌کانی کۆمه‌ڵگه‌ هه‌میشه‌ له‌ نوێکاری دابێت ئینجا ئه‌م پارته‌ له‌ قه‌یرانی دۆڕانی متمانه‌ی ده‌نگده‌ران ڕزگاری ده‌بێت.

- ده‌بێت هه‌میشه تینووی زانین بیت و له‌ شوێنی رووداوه‌کاندا ئاماده ‌بیت، سه‌رۆکی ڕێکخراوی لاوانی سۆسیالدیموکراته‌کان (Jytte Guteland) ده‌ڵێت زۆر ده‌مێکه‌ ئێمه‌ واتا سۆسیالدیموکراته‌کان له‌و بواره‌دا پێشه‌نگیمان جێهێشتووه‌ بۆ نموونه‌ له‌و کاته‌دا که‌ بێکاریی له‌و په‌ڕیدایه‌ سیاسه‌تی سۆسیالدیموکراته‌کان ناتوانێت باوه‌ڕی خه‌ڵکی بباته‌وه‌ و هیوا بداته‌وه‌ هاوڵاتییان. نه‌خێر سۆسیالدیموکراته‌کان باوه‌ڕییان به‌خۆیان نه‌ماوه‌ به‌ڕای سکرتێری کۆمسیۆنی قه‌یرانی سۆسیالدیموکراته‌کان ماریکا لیندگرێن ئۆسبرینک.

- ده‌توانم بڵیم که‌ کێشه‌ی بێباوه‌ڕیمان هه‌یه‌، ئه‌وه‌ش په‌یوه‌ندی به‌وه‌وه‌ هه‌یه‌ ئۆسبرینک ده‌ڵێت که‌ ئێمه‌ ئه‌و پێناسه‌یه‌مان قوبوڵ کردووه‌ که‌ به‌ره‌ی دژمان بۆی سازداوین، بۆنموونه‌ کاتێک مۆدێراته‌کان پێیمان ده‌ڵێن ئێوه‌ پارتی کۆمه‌کن (bidragsparti) ئێمه‌ قوبوڵی ده‌که‌ین و هه‌ر له‌و ڕوانگه‌یه‌وه‌ سیاسه‌تمان داده‌ڕێژین و بیمه‌ی بێکاری (a- kassa) و بیمه‌ی نه‌خۆشی (sjukförsäkringar) ده‌که‌ینه‌ ته‌وه‌ری سه‌ره‌کی له‌ سیاستماندا و به‌ بنه‌ماکانی سیستێمی خۆشگوزه‌رانییان داده‌نێین. به‌ کورتییه‌که‌ی ئێمه‌ بنه‌ما سیاسییه‌کانی خۆمان بیرچۆته‌وه‌ که‌ تێکۆشانه‌ بۆ یه‌کسانی به‌ڵێ ئێمه‌ ئۆسبرینک ده‌ڵێت له‌ چه‌قی سیاسه‌تی خۆمان دوورکه‌وتووینه‌ته‌وه‌ و له‌بری ئه‌وه‌ به‌ نیوه‌ سیاسه‌تی به‌ره‌ی دژه‌وه‌ خۆ ده‌ر ده‌خه‌ین.

ده‌رباز بوون ئا له‌م قه‌یرانه‌ و داهاتووی سۆسیالدیموکراته‌کان به‌ نوێکردنه‌وه‌ی سه‌رۆکایه‌تی ئه‌م پارته‌وه‌ په‌یوه‌سته‌ که‌ کۆنگره‌ی داهاتوو ده‌بێت بڕیاری له‌سه‌ر بدات به‌ ڕای لاوێکی تری سۆسیالدیموکرات داڤید نوردستریۆم که‌ ده‌ڵێت کۆنگره‌ی داهاتوو چاره‌نووسی سۆسیالدیموکراته‌کان دیاری ده‌کات و ده‌بێت دان به‌ قه‌یرانه‌که‌ماندا بنێین و خۆ به‌ کێشه‌ ناوخۆییه‌کان و دابه‌شکردنی ده‌سه‌ڵاته‌وه‌ خه‌ریک نه‌که‌ین گه‌رنا ناتوانین سیاسه‌تی پاره‌ته‌که‌ نوێ بکه‌ینه‌وه‌.

 به‌ڵێ ڕێککه‌وتن له‌سه‌ر به‌رنامه‌ و ڕه‌وتێکی نوێی سۆسیالدیموکرات گرنگه‌ و دوورکه‌وتنه‌وه‌ له‌ سیاستی نه‌وه‌ده‌کان له‌و گرنگتره‌، به‌ڕای ماریکا لیندگرێن ئۆسبرینک بۆ نموونه‌ ده‌بێت واز له‌ شه‌ڕی گرنگی نێوان که‌رتی تایبه‌ت و گشتی بهێنین هه‌ردوو گرنگن ده‌بێت له‌سه‌ر لایه‌نی باش و خراپیان گفتوگۆ بکه‌ین و له‌ خاڵیکدا نه‌ چه‌قین به‌ڕای ئوسبرینک.

تا ئێره‌ و مه‌رجی نوێکردنه‌وه‌ی سیاسه‌ت و خۆگونجاندن له‌گه‌ڵ ڕه‌وتی گۆرانکارییه‌کانی کۆمه‌ڵگه‌دا ئینجا پرسیاره‌ گرنگه‌که‌ ئه‌وه‌یه‌ که‌ کێ ده‌توانێت ئه‌و ئه‌رکه‌ بگرێته‌ ئه‌ستۆ و ئاخۆ که‌سێکی وا له‌ نێو سۆسیالدیموکراته‌کاندا هه‌یه‌.

- به‌ڵێ، هه‌رچه‌نده‌ ئێستا دیار نییه‌ به‌ڵام به‌هیواین که‌سێکی وا هه‌یه‌، داڤید نودستریۆم له‌ لاوانی سۆسیالدیموکراته‌وه‌ ده‌ڵێت به‌ڵام تا ئێستا چه‌ند که‌سێک هه‌ن که‌ نیواو نیو حه‌ز ده‌که‌ن سه‌رۆکایه‌تی پارته‌که‌ بگرنه‌ ده‌ست به‌ڵام ئه‌وی‌ که‌ جێی نیگه‌رانییه‌ که‌ تا ئێستا که‌سێک نه‌هاتۆته‌ پێش به‌ ڕوونی بڵێت ئه‌مه‌ ئامانج و سیاستی نوێێ منه‌ بۆ سۆسیالدیموکراته‌کان 

لاوانی سۆسیالدیموکرات له‌ بارودۆخه‌که‌ ناڕازین و داوای سه‌رۆک و سه‌رکردایه‌تییه‌کی نوێ ده‌که‌ن به‌ڵام باوه‌ڕیشیان به‌ بووژانه‌وه‌ی پارته‌که‌ هه‌یه‌، ئۆسبرینک یه‌کێکه‌ له‌و گه‌شبینانه‌.

سه‌ره‌‌ڕای گه‌شبینی باوه‌ڕی لاوان به‌ مۆدیڵی سۆسیالدیموکراتی هێشتا هه‌ر به‌رزه‌، به‌ڵێ ڕاسته‌ سۆسیالدیموکراته‌کان وه‌ک پارت متمانه‌ و ڕێ و شوێننیان که‌وتۆته‌ لێژیی به‌ڵام مۆدێلی سیاسه‌تی سۆسیالدیموکراتی سه‌رکه‌وتوو بووه‌،

 ماریکا لیندگرێن ئۆسبرینک ده‌ڵێت له‌ بنه‌مادا ده‌نگده‌ران به‌ گشتی لایه‌نی ئه‌و پارته‌ ده‌گرن که‌ سیاستێکی باشیان سه‌باره‌ت به‌ سیستێمێکی خزمه‌تگوزاری ته‌ندروستی و سیستێمێکی خویندنی باش هه‌یه‌، ئه‌مه‌ پێشتر وا نه‌بوو، شه‌ڕێک له‌ نێوان به‌ره‌کاندا سه‌باره‌ت به‌م پرسانه‌ هه‌بوو، ئێتسا باره‌که‌ گۆراوه‌ و چ به‌ره‌ی ڕاست چ به‌ره‌ی چه‌پ هه‌موو له‌سه‌ر مۆدێلی سیاسه‌تی سۆسیالدیموکراتی پێک هاتوون ، به‌ڕای ئۆسبرینک ئیتر ماوه‌ته‌وه‌ که‌ کامیان سه‌رکه‌وتووتر له‌وه‌ی تر سیاسه‌ته‌که‌ ده‌به‌ن به‌ڕێوه‌. ئاماژه‌ی ئه‌م ڕاستییه‌ش هه‌ڵبژاردنه‌کانی ڕابوردوو ده‌ریان خست.  

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".