ڕه‌خنه‌گرانی نێو سۆسیالدیموکراته‌کان داوای شه‌فافییه‌ت ده‌که‌ن

شه‌فافییه‌ت له‌ نێو سۆسیالدیموکراته‌کاندا ده‌بێت باشتر بێت و ده‌سه‌ڵاتی ئه‌ندامان زیاتر و پۆسته‌کانی سه‌رۆکایه‌تیش که‌متر بکرێته‌وه. ئه‌مانه‌ چه‌ند پشنیازێکن که‌ یه‌کێک له‌ چوار گروپه‌که‌ی لێکۆڵینه‌وه‌ له‌ شکستی سۆسیالدیموکراته‌کان ڕایان گه‌یاندووه‌. ‌هه‌ر ئه‌م گرووپه‌ داوای پرۆسه‌یه‌کی خۆ ئاماده‌کردن بۆ هه‌ڵبژاردنی شه‌فافتر و کراوه‌تری کردووه‌ ئه‌ویش بۆ به‌رگرتن له‌ وتی وتی و لێکدانه‌وه‌ی بێ بنه‌ما.

یه‌کێکی تر له‌و پرسانه‌ی ئه‌م گرووپانه‌ کار بۆ باشکردنی ده‌که‌ن و ڕه‌خنه‌یان له‌ شێوازی کاری کۆنی گرتووه‌ هه‌ڵبژاردنی ئه‌ندامانی سۆسیالدیموکراته‌کانه‌ که‌ داواکراوه‌  چیتر به‌و شێوه‌ داخراوه‌ی جاران نه‌بێت و له‌گه‌ڵ ڕه‌وتی سه‌رده‌مدا بگونجێنرێت. سبه‌ینێ سێشه‌ممه‌ لیژنه‌ی قه‌یرانی سۆسیالدیموکراته‌کان ده‌رئه‌نجامی لێکۆڵینه‌وه‌کانی هه‌ر چوار گرووپی کاره‌که‌ ڕا ده‌گه‌یه‌نن.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".