ده‌ستوقاچ‌شکان به‌ زستانان خه‌رجی زۆره‌

ئه‌و که‌سانه‌ی به‌ پێ هاتوچۆ ده‌که‌ن و له‌ سه‌ر سه‌هۆڵی جاده‌کان هه‌ڵده‌خلسکێن و ده‌ست وقاچیان ده‌شکێ به‌ میلیاردان کرۆن خه‌رج ده‌نێنه‌وه‌. حه‌فتا له‌سه‌دی ئه‌م خه‌رجه‌ش هی نه‌خۆشه‌وانییانه‌.

ئه‌م مه‌زه‌نده‌کارییه‌ هی ده‌زگای حوکوومه‌تیی پاراستن و ئاماده‌کاریی کۆمه‌ڵگایه‌ (MSB) که‌ به‌ته‌مای به‌رنامه‌داڕێژییه‌کی به‌ربڵاوه‌ له‌ پایزدا بۆ وردبوونه‌وه‌ له‌م کێشه‌یه‌ و ئه‌و خه‌رجییانه‌ی وه‌ها ڕووداوگه‌لێک ده‌یخه‌نه‌ سه‌ر ده‌ستی کۆمه‌ڵگا.

یان شیلاندر توێژه‌ری ده‌زگای (MSB) به‌ ڕۆژنامه‌ی داگێنزنیهێتری گوتووه‌ که‌ هاتبا و شاره‌وانییه‌کان زیخێکی زۆرتریان له‌ سه‌ر جاده‌کان پڕژاندبایه‌، ئه‌وا خه‌رجیی نه‌خۆشه‌وانیی ده‌ستوقاچشکاوه‌کان که‌م ده‌بۆوه‌، هه‌رچه‌ند ئه‌و کات خه‌رجی به‌فرماشتن زیادی ده‌کرد.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade ljud i menyn under Min lista