له‌ پێناو منداڵانی په‌ناخوازدا

حوکوومه‌ت ده‌ستی به‌ توێژینه‌وه‌یه‌ک کردووه‌ تا له‌ ده‌رفه‌تی مه‌جبوورکردنی شاره‌وانییه‌کان بۆ وه‌رگرتنی په‌ناخوازانی که‌مته‌مه‌نی به‌ته‌نیاهاتوو بکۆڵێته‌وه‌.

تا ئێستا شاره‌وانییه‌کان خۆیان ئازاد بوون که‌ ئه‌و منداڵه‌ په‌ناخوازانه‌ وه‌رده‌گرن یان نا، که‌چی ده‌رکه‌وتووه که‌ دۆزینه‌وه‌ی شوێن‌ بۆ گشت ئه‌و منداڵانه‌ زۆر دژوار بووه‌ . به‌تایبه‌ت له‌به‌ر ئه‌وه‌ی ڕێژه‌شیان له‌م چه‌ند ساڵه‌ی دواییدا به‌ جارێک له‌ زیادی داوه‌.

ساڵی ڕابردوو 2393 منداڵی به‌ته‌نێ هاتنه‌ سوید و داوای مۆڵه‌تی مانه‌وه‌یان کرد، ئه‌م ڕێژه‌یه‌ له‌ چاو ساڵی 2004دا که‌ ته‌نانه‌ت نه‌ببوه‌ 390 که‌سیش، یه‌کجار به‌رزه‌.

وه‌زیری کۆچی سوید توبیاس بیلستروێم ده‌ڵێ من پێشتر زۆر دوودڵ بووم له‌وه‌ی کۆمۆنه‌کان بۆ‌ ڕاگرتنی ئه‌و منداڵانه‌، مه‌جبوور بکرێن به‌ڵام کاتێ مرۆڤ ده‌گاته‌ ئه‌و شوێنه‌ی که‌ ده‌زانێ به‌ شێوه‌ی نیان و دڵخوازانه‌ ئه‌م کاره‌ سه‌ر ناگرێ، ئه‌وا لێبڕاو ده‌بین هه‌ڵوێست بگۆڕین.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".