malpera SR

کڕینه‌وه‌ی مافی پێشوه‌خت بۆ کرێچیتی بۆته‌ باو

گه‌وره‌ترین شیرکه‌تی ئه‌هلیی خانووبه‌ره‌ له‌ سوید، واتا  Akelius، سیستمێکی به‌رپا کردووه‌ که‌ بکرێ مافی پێشوه‌ختی کرێچییه‌تی بکڕدرێته‌وه‌ ته‌نانه‌ت به‌ر له‌ خودی کرێچییه‌کانی شیرکه‌ته‌که‌ش. ئه‌مه‌یان به‌رنامه‌ی ڕاپۆرتی تله‌ڤزیۆنی سوید له‌قاوی دا.

کۆمه‌ڵه‌ی کرێچییه‌کان (Hyresgästföreningen) ئه‌مه‌ که‌ بۆشاییه‌ک له‌ یاسای خانووبه‌ره‌دا بتوانێ وه‌ها ده‌رفه‌تێک بخوڵقێنێ به‌ گرفت ده‌زانن، که‌چی وه‌زیری خانووبه‌ره‌ ستێفان ئاتتێ‌فال له‌ حیزبی مه‌سیحییه‌ دیموکراته‌کان ده‌ڵێ بیرۆکه‌ی مافی کرێچییه‌تی له‌ ئه‌سڵدا بۆ ئه‌وه‌یه‌ که‌ پێویست نه‌کا خه‌ڵک، پاره‌ی پێش بده‌ن. بێت و ڕێچاره‌ی نوێ وه‌ک ئه‌وه‌ی ئێستا بێنه‌ گۆڕێ، ئه‌وا بیرۆکه‌ سه‌ره‌تاییه‌که‌ ده‌که‌وێته‌ ژێر پرسیاره‌وه‌ و پێشێل ده‌کرێ.

ئێستا وه‌زیری خانووبه‌ره‌ ده‌یه‌وێ ئه‌م کاره‌ی شیرکه‌تی ئاکێ‌لیووس بدرێته‌ مه‌حکه‌مه‌ و له‌وێ بڕیاری له‌سه‌ر بدرێ.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".