به‌ڕێوه‌به‌ری کۆمپانیای بیمه‌ی خانه‌نشینی گومانی باجنه‌دانی لێ ده‌کرێت

به‌رتیل ڤیلارد به‌رێوه‌به‌ری کۆمپانیای خه‌نه‌شینی ئا ئێم ئێف (AMF Pensions) له‌لایه‌ن ده‌ستگه‌ی باجه‌وه‌ گومانی خۆدزینه‌وه‌ له‌ باجدانی لێ ده‌کرێت. به‌ڵام ڤیللارد خۆی ده‌ڵێت ئه‌وه‌ی من کردوومه‌ له‌ یاسای سوید لای نه‌داوه‌ و ئه‌خلاقییه‌تی کارکردنم زۆر به‌رزه‌.

 -   من پێم وایه‌ ئاساییه‌ گه‌ر که‌سێکی خاوه‌ن کارگه‌ی بچوک هه‌وڵ بدات به‌ شێوه‌یه‌کی یاسایی باجی کارگه‌که‌ی که‌م بکاته‌وه‌. به‌ڕێوه‌به‌ری کۆمپانیای بیه‌می خانه‌نشینی ئا ئێم ئف  بێرتیل ڤیلارد ده‌ڵێت پێشتر ئه‌م شته‌ به‌ ڕوونی باس لێ کراوه‌ که‌ کارێکی ڕێ پێدراوه‌ و له یاساکانی سوید لای نه‌داوه‌.

به‌ڕێوه‌به‌ری کۆمپانیای بیمه‌ی خانه‌نشینی ئا ئێم ئێف کۆمپانیایه‌کی له‌ ساڵی 2007 له‌ وڵاتی پێرۆ دامه‌زراندبوو که‌ له‌ ڕێگه‌ی جیاوازه‌وه‌ و به‌ لوکسه‌مبۆرگدا پاره‌ی بۆ گوێزراوه‌ته‌وه‌، له‌یه‌کیك له‌و حاڵه‌تانه‌دا 23 ملیۆن کرۆنی سویدی که‌ قازانجێکی  باج لێ نه‌درابووه‌  به‌ره‌و کۆمپانیاکای له‌ پێرۆ گوێزراوه‌ته‌وه‌.  ئه‌و کاته‌ی ئه‌و پارانه‌ به‌ره‌و سوید نێردراونه‌ته‌وه‌ قازانجه‌که‌ی ته‌نها له‌سه‌دا چوار باجی لێ دراوه‌ ئه‌وه‌یش له‌ وڵاتی پیرۆ نه‌ک له‌ سوید. گه‌ر بهاتباو ئه‌و قازانجه‌ باجه‌که‌ی له‌ سوید بدرایه‌ ئه‌وا له‌سه‌دا 28 باجی کۆمپانیا و له‌سه‌دا سی باجی سه‌رمایه‌ی لێ ڕاده‌کێشرا.

 به‌و پێیه‌ قازانجی کۆمپانیاکه‌ی ئا ئێم ئێف له‌ پیرۆ که‌ ته‌نها له‌ سه‌دا 4 باجی لێ ڕاکێشراوه‌ 10 ملیۆن کرۆن که‌متر باجی لێدراوه‌ به‌راورد به‌ باجی سوید.

 له‌م جۆره‌ کاره‌ واتا ئه‌وه‌ی‌ که‌ په‌یوه‌ندی به‌ باجدانه‌وه‌ هه‌یه‌وه‌ له‌ نێوان سوید و پیرۆدا به‌و بووه‌ پێشتر هه‌بووه‌ و به‌ پێی یاسا ڕێگه‌ پێ دراو بووه‌ ئه‌وه‌یش له‌سه‌ر ئه‌و بنه‌مایه‌ی که‌ گه‌شه‌ به‌ سه‌رمایه‌گوزاری سویدی له‌ وڵاتی پیرۆ بدرێت به‌ڵام ئه‌وه‌ی که‌ په‌یوه‌ندی به‌ به‌ڕێوه‌به‌ری کۆمپانیای بیمه‌ی خانه‌نشینی ئا ئێم ئێفه‌وه‌ هه‌یه‌ جیاوازه‌ به‌ ڕای یۆران هاگلوند لێکۆڵه‌وه‌ر له‌ ده‌سته‌گی باج.

  -  ئه‌وه‌ی له‌ حاڵه‌تی بێرتیل ڤیللاردا ڕوویداوه‌ ئه‌وه‌یه‌ که‌ هه‌وڵی خۆدزینه‌وه‌یه‌کی ته‌واو له‌ باج دان دراوه‌. هاگلوند ده‌ڵێت ئه‌و کۆمپانیایه‌ی که‌ ڤیلارد له‌ پیرۆ دایمه‌زراندوه‌ تاکه‌ ئه‌رکی ئه‌وه‌ بووه‌ که‌ پاره‌ی له‌ سویده‌وه‌ ناردۆته‌ پیرۆ و له‌وێوه‌ نێردراوته‌وه‌ بۆ خاوه‌نه‌که‌ی له‌ سوید. واتا ئه‌وه‌ی که‌ ئه‌و کۆمپانیایه‌ کردوویه‌تی هیچ کارێکی تری نه‌بووه‌ و پرسی به‌ڕێوه‌بردنی کۆمپانیایه‌کی ئاسایی نه‌بووه‌.

ده‌ستگه‌ی باج (skatteverket) ئه‌و کاره‌ی که‌ به‌رتیل ڤیللارد کردوویه‌تی به‌ خۆدزینه‌وه‌ له‌ باجی سویدی به‌ره‌و وڵاتێکی تر له‌ قه‌ڵه‌م ده‌دات. دادگای ئیداری (Förvaltningsdomstolen) له‌و باره‌یه‌وه‌ له‌ داهاتوودا بڕیار واتا به‌ حوکمێک ده‌دات که‌ ده‌کرێت داوای پێداچوونه‌ی بکرێت و سکاڵا بۆ دادگای (kammarrätten) به‌رزبکرێته‌وه‌ که‌ دادگایه‌کی به‌رزتره‌ له‌ دادگای ئیداری.

به‌ڵام له‌ ڕووی یاساییه‌وه‌ هێشتا ڕوون نییه‌ که‌ ئاخۆ ئه‌وه‌ی که‌ به‌ڕێوه‌به‌ری کۆمپانیای بیمه‌ی خانه‌نشینی ئا ئێم ئێف بێرتیل ڤیلللارد کردووه‌یه‌تی تاوانی خۆ له‌ باج دزینه‌وه‌یه‌ یان نا. به‌ڵام ئه‌وه‌ی که‌ ئێتسا له‌م پرسه‌دا لێده‌کۆڵرێته‌وه‌ لایه‌نه‌ ئه‌خلاقییه‌که‌یه‌تی، ئه‌مه‌ به‌ له‌به‌رچاوگرتنی کاری پێشووی بێرتیل ڤێللارد که‌ وه‌ک به‌ڕێوه‌به‌ری کۆمپانیای خانه‌نشینی کاری کردووه‌ که‌ له‌لایه‌ن سه‌ندیکای کرێکاران ئێل ئو هه‌روه‌ها ده‌تسگه‌ی بازرگانی سویدیه‌وه‌ خاوه‌ندارێتی کراوه‌. به‌ڵام ڤیللارد خۆی ده‌ڵێت په‌یوه‌ستییه‌کی ته‌واوی به‌ ئه‌خلاقییه‌تی کار و پاراستنی لایه‌نی ئینسانی له‌ کاره‌کانیدا هه‌بووه‌ و کاره‌کانی ته‌واو له‌گه‌ڵ ئامانج و بنه‌ماکانی کۆمپانیای ئا ئێم ئێفدا دێته‌وه‌.

 به‌ڵام ئه‌م پرسه‌ له‌لایه‌ن ئه‌ندامانی سه‌ندیکای (LO) لێ ده‌پرسرێته‌وه‌ که‌ یه‌کێکیان یان تێلینه‌.

-   ئینسان سه‌ری له‌ دووباره‌بوونه‌وه‌ی ئه‌م جۆره‌ کارانه‌ ده‌سوڕمێ که‌ هه‌رگیز کۆتاییان نایه‌ت. یان تێلین ده‌ڵێت سه‌یره‌ که‌ توانای په‌یڕه‌وی کردنی پرسنیپه‌ دیاریکراوه‌کانی تایبه‌ت به‌ کار نه‌بێت و هه‌میشه‌ به‌ پشتی لایه‌نی ئه‌خلاقی کاردا ڕێ بکرێت. بۆ ناتوانرێت هه‌ڵوسکه‌وتێکی ئاسایمان هه‌بێت و هه‌میشه‌ خۆ بدزینه‌وه‌. ئه‌م جۆره‌ لادانانه‌ دووباره‌ ده‌بنه‌وه‌ و به‌ ڕای من یان تێلین ده‌ڵێت ڕه‌فتارێکی بوده‌ڵه‌ و چه‌وته‌.

 سه‌باره‌ت به‌وه‌ی که‌ ئاخۆ به‌رتیل ڤیلارد دوای ده‌رکه‌وتنی ئه‌م کاره‌ی وه‌ک به‌ڕێوه‌به‌ری کۆمپانیای بیمه‌ی خانه‌نشینی ئا ئێم ئێف ده‌مێنێته‌وه‌ یان نا، جێگری به‌ڕێوه‌به‌ری ڕێکخراوی سه‌ندیکاکانی ئێل ئو  پار بارد ده‌ڵێت هێشتا زووه‌ وه‌ڵامی ئه‌و پرسیاره‌ بدرێته‌وه‌ پێش بڕیار دان له‌سه‌ر ئه‌و پرسه‌ ده‌بێت گفتوگۆ له‌گه‌ڵ به‌رتیل ڤیلارد و ده‌ستگه‌ی بازرگانی  سویدیدا ساز بده‌ین. به‌ڵام هه‌ڵبه‌ته‌ ئه‌وه‌ی که‌ له‌ کاره‌کانی ڤیلاردا ده‌رکه‌وتووه‌ له‌ به‌رژه‌وه‌ندی ئه‌و نین و وه‌ک کاری خێر بۆی حساب ناکرێت.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".