فه‌رهاد جیهانمیهه‌ن و شنه‌ قه‌له‌نده‌ری

شنه‌ قه‌له‌نده‌ری: ڕۆژێک دادێ که‌ڕ ده‌بم، به‌ڵام ناترسم

ئه‌مڕۆ سی ساڵه‌ په‌رله‌مانی سویدی دانی به‌ زمانی ئاماژه‌ (Teckenspråk) وه‌ک زمانی یه‌که‌می که‌ڕولاڵاندا نا. ئه‌و زمانه‌ تایبه‌تمه‌ندییه‌کانی چییه‌ و دانپێدانانی وه‌ک زمانی یه‌که‌می که‌ڕولاڵان له‌لایه‌ن په‌رله‌مانی سویده‌وه‌ له‌ ساڵی 1981 دا بۆ ئه‌و که‌سانه‌ مانای چییه؟ ئه‌ی ئاخۆ زمانی ئاماژه‌ به‌ کوردی هه‌یه‌؟ ئێستا دوای سی ساڵ له‌ دانپێدانانی مافه‌کانیان، کێشه‌ی که‌رولاڵان چییه‌؟

له‌ ئه‌زموونه‌کانی شنه‌ قه‌‌له‌نده‌ری و مامۆستای زانکۆ له‌ ستۆکهۆلم فه‌رهاد جیهانمیهه‌ن که‌ خۆی له‌و بواره‌دا لێکۆڵینه‌وه‌ی ئه‌نجام داوه‌ له‌ وه‌ڵام ده‌گه‌ڕێین. 

شنه‌ قه‌له‌نده‌ری ته‌مه‌ن 27 ساڵ له‌ ئوپسالاوه‌ به‌ تایبه‌ت بۆ باسکردن له‌ ئه‌زموونی خۆی وه‌ک مامۆستای زمانی ئاماژه‌ یان وه‌ک خۆی ده‌ڵێت زمانی ده‌ستی هاته‌ زایه‌ڵه‌. ئه‌و خۆی گویێ گرانه‌ و هه‌ستی بیستنی به‌رده‌وام له‌ کزبووندایه‌ به‌ڵام له‌و داهاتووه‌ سڵ ناکاته‌وه‌ و زمانی ئاماژه‌ی گه‌لێک پێ خۆشه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".