سوید کێشه‌ی که‌مبوونه‌وه‌ی کارمه‌ندانی بواری ته‌ندروستی هه‌یه‌

سوید له‌ به‌رده‌م که‌مبوونه‌وه‌ی ژماره‌ی پزیشک و په‌رستاراندایه‌ به‌ شێوه‌یه‌ک که‌ له‌ ماوه‌ی ده‌ ساڵی داهاتوودا بواری ته‌ندروستیی سویدی چوارهه‌زار پزیشک و پێنج هه‌زار په‌رستاری که‌م ده‌بێت. ئه‌مه‌ له‌ پێشبینییه‌کی نویێ سه‌رۆکایه‌تی کاروباره‌کۆمه‌ڵایه‌تییه‌کانه‌ (Socialstyrelsen).  له‌ حاڵی حازریشدا که‌می ژماره‌ی پزیشک له‌ زۆر له‌ پارێزگاکانی سویددا ده‌رکه‌وتووه‌ و به‌تایبه‌ت له‌ ناوچه‌کانی ده‌ره‌وه‌ی شاردا که‌ به‌ زه‌حمه‌ت پزیشکی پسپۆر ده‌ست ده‌که‌وێت. کۆرێ یانسۆن به‌ڕێوه‌به‌ری لێکۆڵینه‌وه‌کانه‌ له‌ سه‌ندیکای پزیشکانی سوید ده‌ڵێت ده‌مێک ساڵه‌ ئه‌م کێشه‌یه‌ به‌رده‌وامه‌.

که‌می ژماره‌ی پزیشک مانای مه‌ترسییه‌ له‌سه‌ر گیانی نه‌خۆش، بۆ نموونه‌ له‌ حاڵی حازردا ژماره‌ی پزیشکی دیاریکردنی نه‌خۆشی (پاتۆلۆگ) که‌مه‌ که‌ وا ده‌کات بۆ نموونه‌ نه‌خۆشانی توشبوو به‌ شێرپه‌نجه‌ ده‌بێت نزیکه‌ی مانگێک له‌ چاوه‌ڕوانی دیاریکردنی نه‌خۆشییه‌که‌یاندا بن. کۆرێ یانسۆن ده‌ڵێت جگه‌ له‌وه‌ش نه‌خۆش هه‌ندێک جار ده‌که‌وێته‌ به‌رده‌م پزیشکێک که‌ شاره‌زایی نییه‌ و پسپۆڕنییه‌ له‌ بواری نه‌خۆشییه‌کاندا.

به‌پێی ئه‌و به‌دواداچوونه‌ی که‌ وه‌زاره‌تی ته‌ندروستی ئه‌نجامی داوه‌ له‌ماوه‌ی ده‌ ساڵی داهاتوودا پێویستی به‌ کارمه‌ندانی‌ بواری خزمه‌تگوزاری به‌ساڵاچوان به‌ له‌سه‌دا 50 زیاد ده‌کات. به‌ڵام که‌موکورتی گه‌وره‌ له‌ ژماره‌ی پزیشکانی پسپۆڕ بۆ نموونه‌ له‌ بواری پسپۆڕی گشتی، پسپۆڕی ته‌ندروستی ده‌روونی و پسپۆڕانی بواری ته‌ندروستی زایه‌ندیدا ده‌بێت. هه‌رچه‌نده‌ خوێندنی بواری پزیشکی زیاتر ده‌کرێت به‌ڵام پێناچێت ئه‌م کێشه‌یه‌ چاره‌ بکات.

 ئه‌وه‌ی که‌ گرنگه‌ بۆ چاره‌سه‌رکردنی که‌می ژماره‌ی پزیشک و په‌رستاران بکرێط ته‌نها زیادکردنی جیگاکانی خوێندن نییه‌ به‌ڵکه‌ کاروباره‌کانی بواری ته‌ندروستی ده‌بێت باشتر ڕێک بخڕین تا خزمه‌تگوزارییه‌کان به‌پێی پێداویستییه‌کان و گاریگه‌رتر بن. به‌ڕای کۆرێ یوهانسۆن له‌ سه‌ندیکای پزیشکانی سویده‌وه‌.

 چاره‌سه‌رێکی تر که‌ له‌ حاڵی حازردا لێ ده‌کۆڵرێته‌وه‌ زیادکردنی ژماره‌ی پزیشکانی بیانییه، به‌تایبه‌ت بۆ ئه‌و پزیشکانه‌ی که‌ له‌ده‌ره‌وه‌ی وڵاتانی یه‌کییه‌تی ئه‌ورووپاوه‌ دێن، چونکه‌ گه‌ر پزیشکی وڵاتێکی غه‌یره‌ ئه‌ورووپی بیت خوێندن و هه‌ڵسه‌نگاندنه‌وه‌ی به‌ڵگه‌نامه‌وه‌ تواناکانت به‌ پرۆسه‌یه‌کی ئاڵۆزدا تێپه‌ڕ ده‌بێت هه‌ربۆیه‌ ئێستا کار له‌سه‌ر ئاسانکردنه‌وه‌ی خستنه‌ سه‌رکاری پزیشکانی وڵاتانی ده‌ره‌وه‌ی یه‌کییه‌تی ئه‌ورووپا ده‌کرێت.

له‌ هه‌رێمی یامتلاندیش که‌ له‌ حاڵی حازردا به‌ده‌ست ئه‌م کێشه‌یه‌وه‌ ده‌ناڵێنێ چه‌ند ڕێگه‌ چاره‌سه‌رێکی تر ده‌گیرێته‌ به‌ر.

-  هه‌وڵ ده‌ده‌ین هانی ئه‌و پزیشکانه‌ بده‌ین که‌ له‌ده‌ره‌وه‌ی شاره‌کانه‌وه ‌دێن که‌ له‌ خوێندن به‌رده‌وام بن بۆ به‌ده‌ست هێننای پسپۆڕی تایبه‌ت، هه‌روه‌ها ده‌بێت چاره‌سه‌ری ئه‌م کیشه‌یه‌ له‌ تواناکانی لاوانه‌وه‌ ده‌ست پێ بکه‌ین ئانی ئۆسێن به‌ڕێوه‌به‌ری کارمه‌ندانی نه‌خۆشخانه‌ له‌ یامتلاند ده‌ڵێت ئه‌ویش به‌ هاندانی لاوان ده‌بێت و به‌ چاوکردنه‌وه‌یان بۆ کاری پزیشکی ده‌بێت.

 له‌ ئێستا و به‌تایبه‌ت‌ له‌ماوه‌ی ده‌ ساڵی داهاتوودا چاوه‌ڕێ ده‌کرێت که‌ ژماره‌ی به‌ساڵاچووان له‌سویدا له‌ سه‌دا حه‌ڤده‌وه‌ بۆ له‌سه‌دا 25  زیاد بکات، ئه‌مه‌ هۆکارێکی تری زیادبوونی پێویستی به‌ پزیشک و په‌رستارانه‌ به‌پێی وه‌زاره‌تی کاروباره‌ کۆمه‌ڵایه‌تییه‌کان. زیادبوونی ڕێژه‌ی به‌ساڵاچووانیش هاووته‌ریبه‌ له‌گه‌ڵ ئه‌وه‌ی که‌ ته‌ندروستی هاوڵاتیان تا دێت باشتر ده‌بێت و زۆربه‌ی نه‌خۆشییه‌کان به‌ نه‌خۆشییه‌ درێژخایه‌نه‌کانه‌وه‌ ده‌رمانی پزیشکییان بۆ دۆزراوه‌ته‌وه‌ و چاره‌سه‌ریان ئاسان بۆته‌وه‌.   ئه‌مانه‌ هه‌مووی له‌ ده‌رئه‌نجامدا ده‌بنه‌ فشار له‌سه‌ر بواری خزمه‌تگوزارییه‌ ته‌ندروستییه‌کان.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".