wêne: Francois Mori/Scanpix

زوربه‌ی ڕه‌شه‌وڵاغان له‌ ئه‌ورووپا به‌بێ ئه‌وه‌ی بێهۆش بکرێن، ده‌کوژرێنه‌وه‌

زوربه‌ی ئه‌و گایانه‌ی له‌ ناوه‌وه‌ی یه‌کێتیی ئه‌وروپادا سه‌رده‌بڕێن، زۆر به‌ئازاره‌وه‌‌ گیان ده‌ده‌ن. له‌ هه‌ر چوار وڵاتی یه‌کیتیی ئه‌رووپا، سێیان گایه‌کان بێ ئه‌وه‌ی بێهۆش که‌ن سه‌ر ده‌بڕن. ئه‌مه‌ له‌ گوێن ڕاپۆرتێکی نوێ که‌ کۆمیسیۆنی یه‌کێتیی ئه‌ورووپا بڵاوی کردۆته‌وه‌.

سه‌رۆکی گرووپی په‌رله‌مانی ئه‌ورووپای پارتی ژینگه‌ بۆ پاراستنی گیانله‌به‌ران، کارل شلیتر Carl Schlyter ده‌ڵێ هۆگه‌لی ئه‌م ڕێژه‌ زۆره‌، چه‌ند دانه‌ن: یه‌کیان هی ئه‌وه‌ که‌ کاتێ گایه‌کان بێهۆش ده‌کران، گرفت هاته‌ پێش و کاره‌که‌ به‌ باسی نه‌کرا. به‌شێکی ده‌گه‌ڕێته‌وه‌ سه‌ر شێوه‌ی کوشتاره‌که‌ که‌ موسوڵمانان و یه‌هوودییه‌کان به‌ شێوازی ئیزندراوی خۆیان ده‌یکه‌ن. به‌ڵام به‌محاڵه‌شه‌وه‌ نابێ ڕێژه‌ی ئه‌مه‌ ئه‌وه‌نده‌ زۆر بێ، به‌ڵکوو هۆکاری پاشه‌که‌وتی ئابووریی هه‌یه‌.

له‌ لایه‌کی دیکه‌وه‌ یه‌کێتیی ئاژه‌ڵپزیشکانی ئه‌ورووپا ڕه‌خنه‌ی زۆریان له‌م کاره‌ هه‌یه‌ و ده‌یانه‌وێ که‌ کوشتاری ڕه‌شه‌وڵاغ به‌مه‌به‌ستی به‌‌رهه‌مهێنانی گۆشت، به‌بێ بێهۆشکردنیان، به‌ته‌واوی قه‌ده‌غه‌ بکرێ.

کۆمیسیۆنی ژینگه‌ی یه‌کێتیی ئه‌ورووپا و حوکوومه‌تی سویدیش داوای ئه‌وه‌ ده‌که‌ن که‌ به‌ دانانی نیشانی تایبه‌ت، بۆ مه‌سره‌فکاران دیاری بکرێ که‌ ئه‌م گۆشته‌ هی ‌وڵاغی گه‌وره‌یه که‌ به‌بێ بێهۆشکران، کوژراونه‌وه‌. ئه‌مه‌ش ده‌بێ به‌پێی فه‌رمانێکی گشتگر له‌ هه‌موو ئه‌ورووپادا ئه‌نجام بدرێ.‌

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".