ئه‌وانه‌ی له‌ لیسته‌ی ڕه‌شدان، زه‌حمه‌ته‌ خانووی ده‌سته‌یه‌کیان بدرێتێ

ئه‌و که‌سانه‌ی که‌وتوونه‌ته‌ لیسته‌ی ڕه‌شه‌وه‌ له‌به‌ر ئه‌وه‌ی پاره‌ یا خود قه‌رزیان نه‌داوه‌ته‌وه‌، زیاتر له‌ رابردوو بۆ نووسینی کۆنتراکتی خانووی ده‌ستی یه‌ک، تووشی گرفت ده‌بن. ئه‌مه‌یان زوربه‌ی سه‌رۆکانی سوسیال له‌ سوید له‌ئه‌نجامی توێژینه‌وه‌یه‌کدا که‌ ڕۆژنامه‌ی (Hem och Hyra) کردوویه‌تی باسیان لێوه‌ کردووه‌.

یه‌کێ له‌ هۆگه‌لی سه‌ره‌کیی ئه‌م دژوارییه‌، مه‌رجی توندوتیژتری شیرکه‌ته‌کانی خانووبه‌ره‌ی سه‌ر به‌ کۆمۆنه‌کانه‌. به‌ڕێوه‌به‌ری کۆمه‌ڵه‌ی سه‌رۆکانی سوسیال وێڕای پشتڕاستکردنه‌وه‌ی ئه‌م هه‌واڵه‌ ده‌ڵێ له‌م ناوه‌دا خه‌ڵکێکی زۆرتر له‌ جاران ڕوو له‌ سوسیال ده‌نێن تا یارمه‌تییان بدرێتێ و خانوو وه‌ربگرن، ده‌نا هیچ داوایه‌‌کی‌تریان نییه‌.