ئه‌میر حه‌یده‌ری له‌ ئێران هه‌ڵهاتووه‌

ئه‌میر حه‌یده‌ری ناوێکی ناسراو له‌ بواری قاچاخچێتی په‌ناخوازیدا ساڵی پار هه‌ر به‌و هۆیه‌وه‌ سوید ناردیانه‌وه‌ ئێران. ئێستا حه‌یده‌ری دیسان له‌ ئێران هه‌ڵهاتوه‌ و خۆی گه‌یاندۆته‌‌ یه‌کێک له‌ وڵاتانی یه‌کییه‌تی ئه‌ورووپا، ئه‌مه‌ پاش ئه‌وه‌ی که‌ ماوه‌ی حه‌وت مانگ و نیو له‌ ئێران له‌ زیندانیدا بووه و توشی ئه‌شکه‌نجه‌ و سوکایه‌تی پێکردن هاتووه‌، ئه‌مه‌ حه‌یده‌ری له‌ گفتوگۆیه‌کیدا بۆ به‌شی هه‌واڵه‌کانی سوید ده‌ڵێت، ئه‌م کاره‌ی سوید کردوویه‌تی واتا ناردنه‌وه‌ی حه‌یده‌ری کارێکه‌ دژ به‌ به‌نده‌کانی به‌یاننامه‌ی تایبه‌ت به‌ دژه‌‌ ئه‌شکه‌نجه‌ی ڕێکخراوی نه‌ته‌وه‌ یه‌کگرتووه‌کان داده‌نرێت. ماده‌لێنا سێدلیتزی یاسا ناس له‌ ئامنێستییه‌وه‌ ده‌لێت، ئاخر حه‌یده‌ری ناوێکی ناسراو بووه‌ و لێپێچینه‌وه‌ی ئێران به‌و شێوه‌یه‌ لێی ده‌بوا لای سوید ڕوون بوایه‌. 

ئه‌و کاره‌ی که‌ ئه‌میر حه‌یده‌ری له‌سه‌ری نێردرایه‌وه‌ ئێران واتا قاچاخچێتی به‌ کۆچهێنانه‌وه‌  چه‌ند جارێک بۆته‌ هۆی سزای زیندانی له‌لایه‌ن سویده‌وه‌ و لای هه‌ندێک له‌ په‌نانبه‌رانیش به‌ کارێکی ناشرین چاو لێ ده‌کرێت که‌ پاره‌ په‌یداکردنه‌ له‌سه‌ر حسابی ئه‌و که‌سانه‌ی ناچارن وڵاتی خۆیان جێ بهێڵن به‌ڵام لای هه‌ندێکی تر حه‌یده‌ری پاڵه‌وانه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade ljud i menyn under Min lista