Şeş kes di şewatê de mirin

Hîna jî ne diyar e ka sebeba şewata li derveyê herêma Tîdaholm ya roja yekşemê çî ye. Di şewatê de şeş kes miribûn – çar salmezin û dido zarok. Cîran berya nîvroya roja yekşemê ji şewatê hayedar bûn û dema hêza xelaskariyê hat cihê bûyerê xanî (havîngehek dûrê derdorê), bi temamî şewitîbû. Bi ya radyoya herêmî ya Skaraborgê li xanî cereyan û elektrîk nîn e. Xanî, bi sobeyeke êzingan û şomîneyek tê germkirin. Polês weke rutînek lêpirsîneke kuştina bi şewatê daye destpêkirin lê tu şikek di vî warî de tuneye. Li gorî agahiyan hemû kesên mirin e, ji Danîmarkayê ne.