وێنە: ماڵپەڕی رادیۆ سوید

کچانی پۆلی نۆی سوید لە کوڕان زیرەکترن

لە زۆرینەی کۆمۆنەکانی سویددا قوتابیانی کوڕی پۆلی نۆ نمرەی خراپتر لە هاوپۆلانی کچیان دەگرن. ئەمە توێژینەوەیەک نیشانی داوە کە تلەڤزیۆنی سوید کردوویەتی.

تلەڤزیۆنی سوید لە نمرە‌کانی ئەم سێ ساڵەی دوایی قوتابیانی پۆلی نۆی وڵاتی ڕوانیوە و لە جیاوازییەکانی نێوان کارنامەی فێرخوازان ورد بۆتەوە و بۆی دەرکەوتووە کە بە شێوەی مامناوەندی کوڕەکان دە لەسەد لە دواوەی کچەکانەوەن. لە زۆربەی کۆمۆنەکانی وڵاتیشدا ئەم ژمارەیە هەروایە و بگرە زیاتریشە.

لێرەدا توێژەران نازانن جیاوازیی نێوان ناوچەکانی وڵات لەم ناوەدا لەبەر چییە؟ بۆ چی لەو ناوچانەی حەشیمەتەکەی کەمترە ڕێژەی جیاوازیی نمرەی کوڕان لە کچان زۆرترە لە چاو ئەو کۆمۆنانەی چالاکیی بەرهەمهێنانیان زیاترە.

هەڵبەت تەنیا لە ساڵێکدا تاکەکۆمۆنی وا هەبوون کە نمرەی کوڕان بە شیوەی مامناوەندی لە هی کچان بەرزتر بوو. ئەمەش تەنیا ساڵی ٢٠١١ و تەنیا لە حەوت کۆمۆندا وا بوو.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".