پارەپەیداکردن لە ڕێی فاتوورەی ساختەوە زیادی کردووە

پارەپەیداکردن لە ڕێی ناردنی فاتوورەی ساختەوە بۆ کۆمپانیاکان تا دێت زیاد دەکات، ئەمە بەشی پرسی ساختەکاری لە پۆلیسی ستۆکهۆلم ئاشکرایان کردووە. ئەمە کارێکی نوێی ئەو کەسانەیە کە پێشتر بۆ نموونە لە ڕێی بازرگانیی ماددە بێهۆشکارەکان یاخود بەڕێی تاوانکاری دیکە پارەیان پەیدا کردووە. ئەو کەسانە زۆر بەوردی لە مەترسییەکانی ئەو کارەیان  کۆڵیوەتەوە کە ئەگەر پێ بزانرێن سزایەکی سووک چاوەڕێیانە بەڵام ئەگەر ئاشکرا نەبن پارەیەکی باشیان دەست دەکەوێت.

یان ئولسۆن لە دەستگەی پۆلیس ستۆکهۆلمەوە دەڵێت زۆربەی کات ئەو پارانە دەخرێنە بانککۆنتۆیەک لە وڵاتێکی دەرەوەی سوید و ئەو کەسەشی ڕاستەوخۆ کارەکە ئەنجام دەدات گەر توشی سزای زیندانی بێت لەو پارەیە بێبەش ناکرێت. پۆلیسی ستۆکهۆلم دەڵێت لەم ڕۆژانەدا کەسێک بە تاوانی هەڵخەڵەتاندنی چەند کارگەیەکی سوید بە ساڵ و نێوێک زیندانی حوکم درا ئەو کەسە ساڵی پار لە ڕێی کۆمپانیایەکی ساختەوە نزیکەی 23 ملیۆن کرۆنی بە ڕێی ناردنی فاتوورەی ساختەوە کۆکردبۆوە. بەڵام تا ئێستا نازانرێت ئەو پارانە چییان لێهاتووە. 

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".