Wêne: Adam Ihse/Scanpix

SAAB tê firotin - nayê firotin(!)

Di derbarê qedera şîrketa otomobîlan ya îflaskirî Saabê de îro agahiyên dûbend hatin. Ewil serê sibê ji aliyê dîrektora bajarê Trollhättanê Annika Wennerblom ve hat ragihandin ku konsorsiyûma otomobîlên elektrîk, National Electric Vehicle Sweden gihaye wê pêvajoya dawî ku bermayîyên SAAB a îflaskirî bikire, yanî tekonolojiya bilind û giranbiha ya vê şîrketê.

Lê pişt re ev daxuyanî ji aliyê şaredariya Trollhättanê ve paş ve hat girtin. Hêzên li pişt Konsorsiyuma nû hatiye sazkirin sermaya Hong Kongî û Japonî ye. Serokê konsorsiyuma National Electric Vehicle Sweden Karl-Erling Trogen e, ku berê midûrê şîrketa Volvo Lastvagnar bû. Trogen bixwe îro naxwaze di derbarê daxuyanîyên dûbend de tu şîroveyan bike.

Hîmê rojnamegeriya me duristî û bêterefî ye. Radyoya Swêdê ji aliyê berjewendiyên siyasî, dînî, aborî, resmî û şexsî ve serbixwe ye.
Du hittar dina sparade avsnitt i menyn under "Min lista".