Foto: Hasse Holmberg/Scanpix

مافی دیاریکردنی نەخۆشییەکانی کۆرپە بۆ هەمووان نییە

هاوڵاتییان وەک یەک بواری ئەوەیان بۆ ناڕەخسێت ئەو پشکنینە پزیشکییە ئەنجام بدەن کە  نەخۆشییە بۆماوە مەترسیدارەکان لە کۆرپەکەیاندا دیاری دەکات و پێش لەدایکبوون چارەسەر دەکرێت. لەو بەدواداچوونەدا کە بەشی هەواڵەکانی ڕادیۆی سوید (Ekot) نیشانی داوە لە 21 پارێزگا 17 یان ئەم جۆرە چارەسەرە پێشکەش دەکەن بەڵام ژنانی دووگیان لە چوار پارێزگای باکور Västernorrland, Jämtland, Västerbotten, Norrbotten  گەر کۆرپەکەیان هەڵگری نەخۆشییەکی بۆماوەی مەترسیدار بێت و نەیانەوێت منداڵەکەیان بەو نەخۆشییانەوە بێتە دونیاوە دەخرێنە بەردەم تاکە ڕێگەیەک ئەویش لەباربردنی کۆرپەکەیە.

بەپێی سەرپزیشکی پسپۆڕی نەخۆشییە ژنانەکان لە ڤێستەربۆتتەن هۆکاری پێشکەش نەکردنی ئەو جۆرە چارەسەرە لەبەر خەرجیییەکەیەتی کە پارێزگا نایەوێت ئەرکەکەی بگرێتە ئەستۆ.

 جێی باسە ئەو چارەسەرە بریتییە لە پیتاندنی کۆرپەیە لە قۆناغێکی زۆر سەرەتاییدا کە پێی دەڵێن ئاوڵەمە،پاشان چەند خانەیەکی ئاولەمەکە دەردەهێنرێت بۆ پشکنین گەر جیناتی هەڵگری نەخۆشییەکی تێدا بێت لا دەبرێت و تەنها خەنە تەندروستەکان دەخرێنەوە خانەکانی ئاولەمە.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".