کوڕان لە کچان زیاتر کات لەفێرگادا بەسەر دەبەن

کوڕانی قۆناغی سەرەتایی لە کچان زیاتر کات لە فێرگادا بەسەر دەبەن، ئەمە بەدواداچونێکی بەشی هەواڵەکانی ڕادیۆی سوید ئێکۆت نیشانی داوە تێیدا چاو لە خشتەی خوێندنی هەفتانەی 9500 فێرخواز کراوە و پێنج کۆمۆن لە گۆترە بۆ ئەو لێکۆڵینەوەیە هەڵبژێردراون (Lerum, Norrtälje, Partille, Karlstad,Trosa).  

بەو پێیە کوڕان بەگشتی لە هەفتەیەکدا دووسەعات و نیو زیاتر لەکچان لە فێرگادا دەمێننەوە تەنها لە کاڵستاد نەبێت هەردووکیان وەک یەک لە فێرگادا کات بەسەر دەبەن. هۆکارەکەش بەڕای مییا هێیکیلا بەڕێوەبەر لە بواری پەروەردەدا روون نییە مەگەر ئەوە نەبێت کە ڕەنگە دایکوباوکان بێمەبەست ئاگاداریی زیاتری کچەکانیان وەک لە کوڕان دەکەن و ترس لە درەنگکەوتنی کوڕان ناکەن.