Wêne: Pontus Lundahl/Scanpix

Rexneyên tund hember destnîşankirina skîbazan

Rexneyên tund li bernameya telefizyona Swêdê, Uppdrag granskning ya ku doh êvare hate weşandin, dibe. Di bernameyê de çend skîbazên bi navûdeng, di nav wan de navên norwêcî û swêdî jî hebûn, bi bikaranîna dermanên xurtkirinê, ango dopîng di salên 90 de hatin dest nîşan kirin.

Çendîn pispor û yekîtîyên skîyê hem li Norwêc û li Swêdê jî rexnedarên destnîşankirina werzişvanan e yên li ser bingehê testên ku telefizyona Swêdê, SVT û bernameya Uppdrag Granskning pêk anîne hatîye avakirin.

Svt encamên testên di kûpaya cîhanî ya di 1997 de li Fînlandayê li dar ket bikar anîye û serencam ew bû ku pîvanên testestên xwînê diyar kirine ku ew eger dermanê dopîng bikar neanîbana testên wan pîvanên madeya rengê xwînê, hemoglobin, ya bilind nîşan nedidan.

Lê li gor Bo Berglund, endamê bîroya navneteweyî ya dijdopîngê, Wada, mirov nikare bigihêje wan serencaman bo take skîbazî:

-Li gor nerîna min, Berglund dibêje mirov nikare bi vî awayî bike. Lê ya balkêş ew e ku encamên pïvanên testên xwînê wisa bilind bûn di wan salan de û ya her bi salan re bilindtir dibû û bû sedema sazkirina bernameyên cuda bo pîvankirna û lênerîna xwînê.

Li gor Berglund gelek faktorên din jî karin li ser xwînê bibandor bin, wekî nimûne bê yën skîbaz çend av û şile vexwaribûn û çend temrîn kiribûn. Lê li gor bernameya Uppdrag Granskning her sedemên bi hêz hebûn bo jêpirsîna werzişvanan derbarê encamën testên xwîna wan.

Hîmê rojnamegeriya me duristî û bêterefî ye. Radyoya Swêdê ji aliyê berjewendiyên siyasî, dînî, aborî, resmî û şexsî ve serbixwe ye.
Du hittar dina sparade ljud i menyn under Min lista