Foto: Susanne Lindholm/Scanpix.

زۆربەی فێرگا سەرەتاییەکان کەموکورتییان هەیە

نزیکەی هەموو ئەو فێرگا سەرەتاییانەی ساڵی پار لەلایەن دەستگەی پشکنینی فێرگاکانەوە (skolinspektionen) پشکنراون ڕەخنەیان هاتۆتە سەر، لە 715 لە 745 فێرگا بۆ نموونە ڕەخنەی ئەوەیان لێ گیراوە کە پشتگیری پێویستیان بۆ ئەو فێرخوازانە تەرخان نەکردووە کە لە خوێندن دوا کەوتوون.

دوو لە سێی فێرگاکان کەمتەرخەم بوون لە گەیاندنی زانیاری بە فێرخواز و دایک و باوکیان سەبارەت بە گەشەی زانستی و کۆمەلایەتی فێرخوازەکە. پێتەر ئێکبۆری بەرپرسی یەکە لە دەستگەی پشکنینی فێرگاکان دەڵێت ئەوە ئەرکی بەڕێوەبەری فێرگایە ئەو کارانە ڕاپەڕێنێ.   

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".