پێناچێت شۆفێرەکەی باریسهامرە کوژرا بێت

ئەمڕۆ یەکێک لەو دوولاوەی کە گومانی کوشتنی شۆفێری تەکسییەکیان لێ دەکرا ئەمڕۆ ئازاد کرا و دوێنێش هاوڕێکەی، بەپێی لێکۆڵینەوە پزیشکییەکان نیشانەی کوشتن بە قوربانییەکەوە دیار نییە،. جێی باسە شەوی چوارشەممەی ڕابوردوو بوو کە شۆفێرێکی 64 ساڵانە لە دەرەوەی تەکسییەکەی لە گەڕەکی باریسهامرا لە ستۆکهۆلم دۆزرایەوە، بە گومانی کوشتن دوو تەکسی سوار دەستگیر کران بەڵام ئەمڕۆ پسپۆڕان لە دوای لێکۆڵینەوەکان دەڵێن لە پشکنینەکان دەرنەکەوتووە کە ئەو پیاوە بەهۆی لێدانی لەلایەن ئەو دوو کەسەوە مردبێت.

شۆفێری تەکسییەکە پێش مردنی دوو گەنجی تەمەن 20 ساڵانەی لە سۆڵناوە بەرەوە باریسهامرا بردبوو دواتر بە مردوویی دۆزرایەوە، سەرەتا پۆلیس پێی وا بوو کە ئەو دوو لاوە پیاوەکەیان کوشت بێت دوای لێدانێکی زۆر بەڵام پشکنینەکان پێچەوانەی ئەو گومانانەیان دەرخستووە.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".