foto: Sveriges Radio, Ekot

لافاوەکەی یۆنشێۆپینگ دوو مەتر بەرز بوو

بەهۆی باران و هەورەبروسکەی ئەم بەیانییە لە شاری یۆنشێۆپینگ کێشەی گەورە لە شوێنی خزمەتگوزاریی وەک ڕێگاوبان ونەخۆشخانە دروست بووە. بەپێی دەستگەی فریاگوزاری ئاوێکی زۆر ڕیگاوبانەکانی گرتووە و چەند بینایەکی پڕکردووە یەکێک لەو شوێنانە نەخۆشخانەی (Länssjukhuset Ryhov) کە ناچار بووە نەشتەرگەرییەکانی دوا بخات بەڵام دەتوانن نەشتەرگەریی کتوپڕ ئەنجام بدەن،  بنکە تەندروستییە فریاگوزارییەکانیش (Akutmottagningar) کە پێشنیوەڕۆ داخرابوون ئێستا کراونەتەوە. بەڵام داوا کراوە نەخۆش ڕوو لە بنکەی تەندروستی ناوچەکەی خۆیان (vårdcentral) بکەن نەک بنکەی تەندروستی فریاگوزاری.

لەحاڵی حازریشدا کێشەی کارەبا و گەرمی چارەسەر کراون بەڵام هێشتا چەندین کێشەی دیکە چارەسەر نەکراون. بەپێی پزیشکێکی نەخۆشخانەی یۆنشێۆپینگ بەرزیی لافاوەکە نزیکەی دوو مەتر بووە.   

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".