foto: scanpix

گومانلێکراوێک سکاڵای لەسەر خۆی تۆمار کرد

پیاوێکی 36 ساڵە دوێنێ لە باڵێۆزخانەی سوید لە وارشۆی پایتەختی پۆلۆنیا بە گومانی کوشتنی ژنێکی 23 ساڵانە سکاڵای لەسەر خۆی تۆمار کرد. دوای خۆ بەدەستەوەدانی پۆلیسی پۆلۆنیش دەستگیریان کرد و ئێستا لە چۆنییەتی ڕادەستکردنەوەی بۆ سوید دەکۆڵرێتەوە. جێی باسە ئەو گومانلێکراوە ناسیاوی ئەوژنە 23 ساڵانەیەیە کە دایکی دوو منداڵە و لە 30 مانگی ڕابوردووەوە لە کۆمۆنی ترۆڵهێتان لە سوید دیار نەمابوو، لەو کاتەوە پۆلیسی سویدی و پۆلیسی نێودەوڵەتی بەدوای ئەو پیاوەدا دەگەڕێن.

بەبیردێنمەوە ڕۆژی یەکشەممەی 30 مانگی ڕابوردوو کەسێک چەند دڵۆپە خوێنێک لە پلیکانەی نێو بیناکەیدا دەبینێت پۆلیس ئاگادار دەکاتەوە کاتێک دێنە ماڵی ژنە خوێنێکی زۆر و یەکێک لە مناڵەکانی دەبینن بەڵام تەرمی ژنەکە نادۆزنەوە.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade ljud i menyn under Min lista