foto: scanpix

چارەسەرسازی شێرپەنجە لە سویددا نادادپەروەرانەیە

ژمارەی پسپۆڕانی بواری چارەسەری شێرپەنجە لەهەرێمە جیاوازەکانی سویددا نایەکسانە ئەمەش وا دەکات کە چارەسەری نەخۆش و خزمەتگوزارییەکانی ئەو بوارە نادادپەروەرانە و نایەکسانە، بەپێی بەدواداچوونێکی کۆمەڵەی ئۆنکۆلۆجی سویدی.

-  پرۆفێسۆر و سەرپزیشک رۆگەر هێنریکسۆن دەڵێت جیاوازییەکی ناوچەیی لەو بوارەدا بەدی دەکەین بەتایبەت لە ڕۆژئاوای سوید و ستۆکهۆلم کە جیاوازییەکی زۆر لە دابەشبوونی ژمارەی ئۆنکۆلۆگەکاندا بەدی دەکەین.

بەپێی لێکۆڵینەوەکە کە لە وتارێکدا لە ڕۆژنامەی ئەمڕۆی (Dagens Nyheter) دا ڕاگەیەنراوە بۆ نموونە لە ڕۆژئاوای سوید ساڵی 2011 بۆ هەر 367 نەخۆشێکی شێرپەنجە پزیشکێک هەبووە بەڵام لە ستۆکهۆلم هەر 109 نەخۆشێک پزیشکێکی بەرکەوتووە.

رۆگەر هێنریکسۆنی پرۆفێسۆر دەڵێت هۆکاری ئەو ناعەدالەتی دابەشبوونە زۆرە بۆ نموونە بواری تەندورستی بەشێوەی جیاواز ڕێکخراوە. هەرچەندە تا ئێستا لەوە نەکۆڵراوەتەوە کە ئاخۆ هیچ جۆرە پەیوەندییەک لەنێوان ژمارەی پسپۆڕانی بواری شێرپەنجە  و ژمارەی نەخۆشە چارەسەرکراوەکان هەیە یان نا بەڵام بەڕای هێنریکسۆن بێگومان ژمارەی پسپۆڕان کاریگەری لەسەر چارەسەرسازی شێرپەنجە هەیە.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade ljud i menyn under Min lista