Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/

ناو و ئادرێسی نهێنیی خەڵک کەوتوونەتە سەر ئینترنێت

بڵاو کرایه‌وه‌ måndag 12 augusti 2013 kl 12.19
Foto: Scanpix

لە ماڵپەڕی راتسیت کە شیرکەتێکی زانیاریدەرە لە سەر ئیعتیباری بانکیی کەسان،دەکرێ بە ئاسانی دەستت بە ناو و لیستەی ئەم ژنانە رابگا کە لە خانووەکانی ئەمن بۆ داڵدەدانی ژنان لە تەواوی سویددا دەژین یا خود پێوەندیان بەو ناوەندانەوە گرتووە. جگە لەو لیستانە، هەروەها دەکرێ ناونیشانی هەموو ئەو خانووە ئەمن و شوێن داڵدەدانی ژنانیش پەیدا بکەی کە لە راستیدا دەبێ نهێنی بن.

سەرۆکپۆلیسی شاری نۆرشۆپینگ، ئان ئاسپ کە بە شێوەیەکی چالاک لەسەر پرسی ژنان کار دەکا واقی لەم کارە سوڕماوە و دەڵێ بڕوام نەدەکرد ئەم شتە ڕاست بێ. ئەمە بۆ ئەو ژنانەی پێویستییان بە پاراستن و بەنهێنی مانەوە هەیە، بەڕاستی کارەساتە.

ئانجێلا بووسانگ سەرۆکی فیدراسیۆنی خانووەکانی داڵدەی ژنان دەڵێ ئەمە خودی ژنان و کچانن کە بڕیار دەدەن ئایا زانیارییەکانیان بڵاوبێتەوە یان نا، بەڵام لەم ماڵپەڕەدا هەموو کەس دەتوانێ بزانێ کام ژن لە کوێ دەژی. وەها ناونووسکرانێک نابێ هەبێ.

لە ماڵپەڕی راتسیت دا هەروەها دەکرێ دەست بە لیستەی ناوی زیندانییەکانیش ڕابگات،تەنانەت ئەوانەی لە گرتووخانەکانی دەروونی یا زیندانی گەنجاندا ڕادەگیرێن. ئەم زانیارییانە لە ئەسڵدا نهێنین و هەندێ کاربەدەست نەبێ، کەس ناتوانێ و بۆی نییە لێیان ئاگادار بێت.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".