Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/

لەسەر کوشتنی پیاوەکەی هیوسبی پۆلیس ڕەخنە لە خۆیان دەگرن

بڵاو کرایه‌وه‌ måndag 19 augusti 2013 kl 16.17
foto:scanpix

پۆلیس ڕەخنە لە کەمتەرەخەمییەکانی خۆیان سەبارەت بە ڕووداوی کوشتنی پیاوە 69 ساڵانەکەی هیوسبی دەگرن. پۆلیس مارتین مارمگرێن لە بلۆگەکەی خۆی نوسیویەتی کە دەبێت پۆلیس ڕەخنە لە کارەکانی خۆیان بگرن و لێی بکۆڵنەوە، هەرچەندە مارمگرێن نایەوێت بەرپرسێتی ئەو ڕوووداوە بخاتە سەرشانی کەس بەڵام نوسیویەتی کە گەر پۆلیس بە شێوەیەکی جیاواز مامەڵەی لەگەڵ ڕووداوەکە بکردایە ئەوا پیاوە 69 ساڵانەکە نەدەکوژرا.

ئەو ڕووداوە مانگی مای ڕابوردوو لە گەڕەکی هیوسبی ڕوویدا کاتێک پۆلیس بانگهێشت کرا پیاوێکی چەقۆ بەدەستی 69 ساڵانە دەستگیر بکەن، کاتێک پۆلیس دەچنە ماڵی پیاوەکە گوایا هێرشی بۆ پۆلیسەکان بردووە و ناچار یەکێک لە پۆلیسەکان  بە گولەیەک دەیکوژێت.

جێێ باسە هەر هەفتەی ڕابوردوو لێکۆڵینەوە سەرەتاییەکان لەو پۆلیسە داخران بەڕای دادوەرانی گشتی ئەو گولەیە بۆ خۆپاراستن تەقێنراوە نە ک بە ئەنقەست.

کوشتنی ئەو پیاوە بە هۆکاری شەڕ و پێکدادانەکانی گەڕەکی هیوسبی و گەڕەکە پەڕاوێزەکانی دیکەی ستۆکهۆلم لەگەڵ و پۆلیس دەژمێردرێت.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".