ڕەزا کەعبی و خالید خەیاتی لە سەر کۆنگرەی نەتەوەیی کورد. مۆنتاژی وێنە: ناسری سینا

شوێن و پێگەی کوردەکانی تاراوگە لە کونگرەی نەتەوەیی کورددا

Kongrey Neteweyî Kurd . Reza Kaabi
13 min

ئەمڕۆ یەکێ لە گەرمترین بابەتەکانی جێگفتوگۆی کوردانی ئەورووپا و سوید، بابەتی کۆنگرەی نەتەوەیی کوردە کە ڕۆژانی ١٥، ١٦ و ١٧ی سێپتەمبەر، لە هەولێر پێتەختی هەرێمی کوردستان دەبەسترێ.

بەپێی راگەیاندنی لیژنەی ئامادەكاری كۆنگرەی نەتەوەیی كورد، ئەندامانی كۆنگرە لە ٦٠٠ کەس پێكدێن كە بەسەر باكوور، باشوور، رۆژهەڵات و رۆژئاوای كوردستان و دەرەوەی وڵات دابەش دەكرێن.

بەپێی راگەیەنراوەكە پێكهاتەی ئەندامانی كۆنگرە بەم شێوەیە دەبێت "رێژەی لە سەدا ١٠ی بۆ ڕێکخراوەی گەنجان، لەسەدا دە بۆ كەسایەتییەكان، لەسەدا ٣٥ بۆ رێكخراوەكانی كۆمەڵگەی مەدەنی و لەسەدا ٤٥ بۆ پارتە سیاسییەكان".

هەروەها لیژنەی ئامادەكاری كۆنگرە بڕیاری داوە "كە لەسەدا ٤٠ی ئەندامەكانی دەبێت لە ژنان پێكبێت و بڕیاریش دراوە هەموو پارچەكانی كوردستان بە رەچاوكردنی ئەو رێژانەی كە دەستنیشانكراون ئەندامانی خۆیان دیاری بكەن".

كۆنگرەی نەتەوەیی كورد بە ئامادەبوونی ٣٠٠ میوانی بیانی كە لە دۆستانی كورد و پەرلەمانتارانی ئەوروپی پێكدێن، دەبەسترێت.

ئامارە ناڕەسمی بەڵام تا ڕادەیەکی زۆر جێبڕواکان باس لە هەبوونی نزیکەی یەک میلیۆن کورد لە وڵاتی ئەڵمان دەکەن. لە سویدیش زیاتر لە ٧٠ هەزار کورد دەژین. لە وڵاتانی‌تری ئەورووپا و ئەمریکاش هەروا. پرسیار لێرەدا ئەوەیە کە ئەم ئاپۆرە زۆرە چۆن لە پێکهاتەی ئەندامانی کۆنگرەی نەتەوەیی کورددا دەنگی دەداتەوە؟ خالید خەیاتی کۆمەڵناس، سیاسەتزان و توێژەری زانکۆی لینشۆپینگ، هەروەها ڕەزا کەعبی یەکێ لە ئەندامانی لێژنەی ئامادەکاری کۆنگرەی نەتەوەیی کورد وەڵامی ئەم پرسە دەدەنەوە.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".