foto: Scanpix

ئەمڕۆ چل ساڵ بەسەر دزییە گەورەکەی ستۆکهۆلم تێدەپەڕێت

ئەمڕۆ چل ساڵە بەسەر ڕووداوەکەی گۆڕەپانی نۆرمالم (Normalmstorgsdramat)تێدەپەڕێت، لەو ڕووداوەدا یانێ ئولسۆنی تاڵانکار خۆی کرد بە یەکێک لە بانکەکانی ستۆکهۆلم (Kreditbanken) لە گۆڕەپانی نۆرمالم و چوار لە کارمەندانی ئەو بانکە سێ ژن و پیاوێکی بە بارمتە گرت. ئینجا داوای لە پۆلیس کرد کە کلارک ئولوفسۆنی هاوڕێی کە ئەو کات لە زینداندا بوو وەک دانوستانکار بنێرێت پاشان لەو رێیەوە داوای سێ ملیۆن کرۆن و بە ئازادی دەرچوونی خۆی و هاورێکەی لە بانکەکە کرد.

ئەم پرۆسەیە شەش ڕۆژ بەردەوام بوولە گۆڕەپانی بەردەم بانکەکدا مێدیاکان چاودێریی ڕووداوەکە بوون و پەخشی ڕاستەوخۆیان دەکرد. ئەوەی کە ئەو ڕووداوەی ناساند ئەوە بوو کە سێ کارمەندە بەبارمتە گیراوەکەی بانک کەوتنە لایەنگریی کابرای دز و پشتگیرییان لێ دەکرد، ئەمە بووە هۆی هێنانە کایەی چەمکێکی نوێ لە بواری دەروونناسیدا و لە هەموو جیهاندا بەناوی (Stockholmssyndromet) ناسرا. بە پێی ئەو چەمکە دەرونناسییە لە کاتی هەندێک ڕووداودا کەسی قوربانی  دەبێتە لایەنگری زاڵمەکە و دژ بە کارمەندانی دەستگە فەرمییەکان دەوەستێتەوە.

 جێی باسە ئەو ڕووداوە بەوە کۆتایی هات کە پۆلیس گازی فرمێسکرێژی خستە ناو بانکەکە و  یانێ ئولسۆن دەستگیر کرا و پاشان بە دە ساڵ زیندانی سزا درا، کلارک ئولوفسۆنیش لەلایەن دادگای سەرەتاییەوە بە تاوانی هاوکاری دزییەکە سزا درا بەڵام دادگای تێهەڵچوونەوە ئازادی کرد.  

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".