Foto: Abdelhak Senna/Scanpix

ڕێککەوتنی نوێی یەکێتی ئەورووپا بۆ ڕاوەماسی ڕەخنەی لێدەکەوێتەوە

ڕێککەوتننامەی نوێی ماسیگرتن لە نێوان یەکێتیی ئەورووپا و وڵاتی مەراکیشدا ڕەخنەی هاتۆتەوە سەر. ئیزابێللا لوێڤێن،نوێنەری سوید لە پەرلەمانی یەکێتیی ئەورووپا لەلایەن پارتی ژینگەوە دەڵێ ئەم ڕێککەوتنە لە کردەوەدا بەم مانایەیە کە یەکێتیی ئەورووپا دان بەوە دادێنێ کە هەرێمی داگیرکراوی سەحرای ڕۆژاوایی بەشێکە لە وڵاتی مەراکێش.

ئەو دەڵێ بەم یاسایە تووڕەم. هاتوون ڕێککەوتنێکیان مۆر کردووە کە ماسیگرانی ئەورووپایی بۆیان هەبێ لە ئاوەکانی داگیرکراوی سەحرای ڕۆژئاوادا ماسی بگرن کەچی بەم کارەیان ئیزنیان داوەتە مەراکێش کە سەرچاوە سروشتتەکانی هەڕێمێک بفرۆشێ کە هی ئەوان نییە. کەچی ئەم ئاوانە لە ڕاستیدا نێونەتەوەیین.

ێی وەبیرهێنانەوەیە کە سەحرای ڕۆژئاوا کە پێشتر کۆڵۆنیی سپانیا بوو لە ساڵی ١٩٧٥دا لەلایەن مەراکێشەوە داگیر کرا و ماسیگرانی باشووری ئەورووپا کە حەز دەکەن لە ئاوە پڕماسییەکانی ئەم هەرێمەدا ڕاوەماسی بکەن دەبێ بە پێی ئەو ڕێککەوتنەی لە مانگی ڕابردوودا پەرلەمانی ئەورووپا پەسندی کرد، لە ماوەی چوار ساڵاندا نزیکەی ١٦٠ میلیۆن یۆرۆ لەبەر ئیزننامەی ڕاوەماسی بدەنە حوکوومەتی مەراکێش و بەپێچەوانەی ڕێککەوتننامەی وەرزی پێشوو، چیدی خەڵکی سەحرا چیدی ناویان لە کوولەکەی تەڕدا نییە.

ئەم ڕێککەوتننامەیە دەبێ بۆ جێبەجێکران پێشتر لەلایەن ئەندامانی پەرلەمانی ئەورووپاوە پەسند بکرێ.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".