Foto: Thomas Johansson/Scanpix

بشێوی لە هاتوچۆی ستۆکهۆڵم لەبەر سەردانی ئوباما لە سوید

بۆ چاوەدێریی باری ئاسایش و هێمنایەتی لە سەردانی پرێزیدێنت ئوباما سەرکۆماری وڵاتە یەکگرتووەکانی ئەمریکا لە سوید ـ کە ڕۆژانی چوارشەممە و پێنجشەممەی ئەم هەفتەیە دەبێت ـ سیستەمی هاتوچۆ لە ستۆکهۆڵم ئاڵوگۆڕی کاتیی تێدا دەکرێ و هەندێ بەشی باژار دادەخرێ و دەگیرێ. هەربۆیەش شارەوانیی ستۆکهۆڵم داوای کردووە کە خەڵک بە جێی بەکارهێنانی ئوتومبێلی خۆیان، ئەوا قیتار و میترۆ بەکار بێنن و کاتێکی زیاتر لە ڕۆژانی ئاساییش بۆ گەیشتن بە سەر کارەکانیان یا ماڵەوە و بەتایبەت بۆ چوون یا هاتنەوە لە فڕۆکەخانەی ئارلانداوە لەبەرچاو بگرن.

جادەی ئێ‌چوار (E4) لە فرۆکەخانەوە تا ستۆکهۆڵم بە تەواوی دادەخرێ، هەروەها ئەو جادانەش کە دواتر دەگەنەوە سەر ئێ‌چوار. ئەمەش ترافیکی سوللێنتوونا، شیستا و سۆڵنا تووشی بشێوی و سەرەی دوورودرێژ لە باشووری ستۆکهۆڵم دەکات.

لە ناوەڕاستی ستۆکهۆڵمیش هەر لە ئێستاوە هەندێ داخستن و ڕێگیران دەستی پێکردووە بەتایبەت ئەو ناوچانەی لە نزیک نی‌برووکاین، هامن‌گاتان، گاملاستان و دەوروبەری کۆشکی شا، سلۆتت. دیارە ئەمەش هەم ئوتومبێل، ئوتوبوس و هەم خەڵکی پیادە دەگرێتەوە.

لێرەوە دەتوانی چاو لە وردەکاریی ئەم ڕێگاگیرانانە بکەیت (ماڵپەرەکە بە سویدییە!):

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".