Foto: Scanpix, Sveriges Radio. Montage: Sveriges Radio

چالاکیی فیزیکی بە گەنجی دەبێتە هۆی تووشنەبوون بە فێداری

چالاکیی فیزیکی لە تەمەنی گەنجیدا دەبێتە هۆی بەرەنگاربوونەوەی فێداری. ئەو پیاوانەی بە گەنجی وەرزشیان نەکردووە زۆرتر لەوانی‌تر لە بازنەی مەترسیی تووشبوون بە نەخۆشیی فێ لە گەورەساڵیدان.

بەپێی توێژینەویەکی نوێ ئەوا جاری یەکەمە کە لێکۆڵەران توانیویانە  بڕیاری لێبڕاوانە بدەن لەسەر ئەو پێوەندییەی لە نێوان چالاکیی فیزیکی لە تەمەنی گەنجیدا و هێرشی نەخۆشیی فێ بە گەورەساڵی هەیە. لە توێژینەوەکەدا سەیری نزیکەی یەک میلیۆن و سەد هەزار فایلی پزیشکیی بانگکرانی پیاوانی سویدی بۆ خزمەتی سەربازی کراوە و دەرکەوتووە کە نزیکەی ٧٩ لەسەدی ئەو گەنجانەی ئەو کات لە تاقیکاریی توانایی وەرزشیدا زۆر سەرکەوتوو نەبوون، دواتر تووشی فێداری بوون.

یێننی نیبەری توێژەری زانکۆی سالگرێنسکا لە یۆتێبۆری دەڵێ لە گوێن زانیارییە دەرکەوتووەکان، وەرزش بە گەنجی، باشترین ژیمناستیکی مێشکە:

ـ "بێت و یاریی مێشکیی سودووکو بکەیت ئەوا تێیدا زۆر باش دەبیت. یا بێت و مێشکت تەمرین بدەیت بە بەرنامەی ڕاهێنانی مێشک، ئەوا لەو بەرنامانەدا زۆر سەرکەوتوو دەبیت. بەڵام لە بەرامبەردا چالاکیی فیزیکی و بەلەش کاریگەرییەکی زۆر باشی لە سەر چەندین کارکردی جۆراوجۆری مێشک هەیە."

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".