وێنە: ماڵپەڕی بەشی ناوەندیی دەنگوباسی ڕادیۆ سوید

مەودای نێوان بلۆکە سیاسییەکان لە سوید زێدە دەبێ

لە گوێن ئاماری نوێی دامەزراوەی بیرپرسیی نوڤوس، مەودای نێوان بلۆکە سیاسییەکانی سوید ئێستا دە یەکە لەسەدە و مەودای نێوانیان هەرگیز لەم سێ ساڵەی رابردوودا ئەوەندە زێدە نەبووە.

دەنگی بلۆکی ڕاست بریتی لە مۆدێراتان،پارتی لیبرالی گەل، سەنتەر و دیموکراتە مەسیحییەکان سەرجەم ٣٩،٧ یەکەی لەسەد و بلۆکی سەوز و سوور پێکهاتوو لە سوسیالدیموکراتان، پارتی ژینگە و چەپ سەرجەم ٤٩،٧ لەسەدی دەنگی خەڵکیان لەم بیرپرسییەدا لەگەڵ بووە.

ڕێژەی دەنگی حیزبەکان جیاوازییەکی یەکجار بەرچاوی نەکردووە کەچی دەنگی مودێراتان ١،٣ لەسەد کەمی کردووە و گەیشتۆتە ٢٥،٦ لەسەد  و ئەمە لەوەتەی ساڵی ٢٠١٠ هەرگیز وا کەم نەبووە. دیموکراتە سویدییەکانیش کە بە پارتییەکی دژەبیانی دەناسرێ ڕێژەی ٨،٩ لەسەدی دەنگەکانی خۆی هەروا پاراستووە.

بەم ئامارانە بێت ئەوا دیموکراتە مەسیحییەکان ناکەونە ناو پەرلەمانەوە چون ڕێژەی دەنگەکانیان ٣،٩ لەسەدە و مەرجی لانی کەم ٤ لەسەد پڕناکاتەوە.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Du hittar dina sparade avsnitt i menyn under "Min lista".